Uppgjöf er ekki valkostur

Guðbjartur er ekki fyrsti heilbrigðisráðherrann sem reynir að koma á hagræðingu í þessu kerfi. Eftirminnilegast er kannski þegar Sighvatur Björgvinsson hrökklaðist úr stól heilbrigðisráðherra undir linnulausum árásum vegna tilvísanakerfisins sem hann hugðist koma á í því skyni að draga úr kostnaði við sérfræðiþjónustu.

Munurinn þá og nú er að nú er ríkið óvart á hausnum og það VERÐUR að hagræða. Guðbjartur hefur því ekki þann valkost að gefast upp.

En mikið væri nú gaman ef stjórnarandstaðan sýndi þá ábyrgð að hætta að hamast á móti breytingunum.

Er til í að milda áhrifin

Athugasemdir

[Sigurður Haraldsson, 13.10.2010 kl. 09:58]

Sæll hvað er búið að fækka mörgum sendiráðum og hvað er búið að spara mikið í bankageiranum?

Hvers vegna var ekki hætt við Hörpuna?

Af hverju er ekki búið að taka á ofurlaunum í ríkisgeiranum?

Svaraðu þessum spurningum og komdu svo aftur með þá fullyrðingu að best sé að skera niður heilbrigðisþjónustu á landsbyggðinni!

[Sigurdur Sigurdarson (IP-tala skráð) 13.10.2010 kl. 10:22]

„En mikið væri nú gaman ef stjórnarandstaðan sýndi þá ábyrgð að hætta að hamast á móti breytingunum.“

Þessi orð kalla á nánari skýringar af hálfu Þorsteins. Eða er það skoðun hans að stjórnarandstaðan eigi að éta upp allt sem frá ríkisstjórninni athugasemdalaust? Breytingar breytinganna vegna eru tóm vitleysa, það veit Þorsteinn. Hann hlýtur líka að vita hvaða afleiðingar breytingar á heilbrigðiskerfinu á landsbyggðinni hafa í för með sér.

[Þorsteinn Siglaugsson, 13.10.2010 kl. 13:07]

Það verður ekki dregið saman nema með því að taka á stóru útgjaldaliðunum. Því miður eru þeir heilbrigðis-, mennta- og félagsmál en ekki sendiráð.

Auðvitað á stjórnarandstaðan ekki að éta allt upp eftir ríkisstjórninni. En þær tillögur sem hér eru til umræðu eru ekki nýjar af nálinni. Þeir sem vildu hagræðingu þegar þeir voru sjálfir í stjórn eiga að sýna manndóm til að styðja hana nú þótt þeir séu í stjórnarandstöðu. Hér er ekki um að ræða breytingar breytinganna vegna heldur augljósa hagræðingu til langs tíma.