Freyja segir allt sem segja þarf

Það er ekki annað hægt en að vera sammála hverju einasta orði í þessum pistli Freyju.

Röksemdafærslan er skotheld. Niðurstaðan er afsögn allra þessara einstaklinga. Nú bíðum við.

„Ég er ekki bara fötluð. Ég er kona“

Hættulegt fólk

Þessir nýju leiðtogar í VR og Eflingu eru því miður hættulegir einstaklingar.

Lífeyrissjóðir hafa þá skyldu að tryggja sem best hag eigenda þeirra með skynsamlegum fjárfestingum. Hótanir um að valda lífeyrissjóðunum tjóni með því að hindra þá í að fjárfesta sýna einbeittan vilja til að skaða launþega, sem eru eigendur þeirra fjármuna sem í sjóðunum eru.

Síendurteknar verkfallshótanir þessara einstaklinga í upphafi samningagerðar bera því glöggt vitni á hvaða vegferð þeir eru. Þær sýna að fyrir þeim vakir ekki að tryggja umbjóðendum sínum sem best lífskjör, heldur að efna til ófriðar á vinnumarkaði.

Var brugðið eftir ummæli Ragnars

Táknrænn jólaköttur

Bragginn, mathöllin, einkabílstjórinn ... merkin um bruðlið og óráðsíuna í rekstri borgarinnar koma upp á yfirborðið eitt af öðru.

Og nú jólaköttur upp á fjórar milljónir.

Jólakötturinn er táknrænn. Samkvæmt sögunni étur hann fátæka fólkið sem fær enga nýja spjör fyrir jólin.

Á sama hátt étur hinn spillti borgarstjórnarmeirihluti frá fátæklingum í borginni: Fé skattgreiðenda fer í illilegan, ljósum prýddan jólakött, en ekki mat handa fátæku börnunum. Hvað þá í nýjar spjarir handa þeim fyrir jólin.

En það er gaman að fulltrúi Pírata, flokksins sem var stofnaður til að berjast gegn spillingu og óráðsíu í hefðbundnum stjórnmálum, skuli hafa skemmt sér vel við þetta tilefni.

Það er við hæfi að hún skuli hafa verið í félagsskap Grýlu og Leppalúða.

Enginn fór í jólaköttinn í dag

Hvers vegna í ósköpunum ...

... ætti að sóa fé skattgreiðenda í að niðurgreiða þessa starfsemi?

Er einhver meiri ástæða til að niðurgreiða þetta en til dæmis illa reknar lundabúðir eða einhvern annan útflutningsiðnað sem stendur ekki undir sér?

Er það hlutverk skattgreiðenda að standa undir rekstri fyrirtækja í samkeppnisrekstri?

Hvað þá þegar starfsemin er jafn ógeðfelld og þessi?

Tíminn er að hlaupa frá okkur

Fjárkúgun?

Er það ekki svolítið langt seilst að kalla það fjárkúgun þegar krafa er gerð og tiltekið að verði hún ekki greidd fari málið lengra?

Ef það er fjárkúgun eru væntanlega allir sem innheimta kröfur, einstaklingar, fyrirtæki og lögmannsstofur, sekir um fjárkúgun, því í innheimtubréfum er gjarna tiltekið að verði krafa ekki greidd muni skuldareigandinn leita til dómstóla.

 

Yrði dæmdur fyrir að standa með konunni

Pokurinn sækir nú Akureyringa

Nú er Pokurinn búinn að gera gat svo Akureyringar detti ofan um það og niður til hans þegar þeir álpast upp á Vaðlaheiði. Það er til að hefna sín fyrir að hafa ekki komist að ketkötlunum þegar Vaðlaheiðargöngin voru grafin. Lái honum hver sem vill.

Jörðin opnaðist á gamla Vaðlaheiðarvegi

Hvað um nýju aðstoðarmennina?

Hvernig væri nú að láta það vera að lækka framlög til öryrkja en sleppa því þess í stað að fara að ráða her aðstoðarmanna fyrir þingmenn? Og kannski láta það líka eiga sig að sóa milljörðum í enn eina skrifstofubygginguna fyrir þessa stofnun?

Eða eiga aðhaldaðgerðir einungis að bitna á þeim verkefnum sem skipta almenning máli? En aldrei þeim sem skipta í rauninni engu máli?

Í aðgerðir vegna kólnandi hagkerfis