Skýringar verða að koma fram

Skyndilegur viðsnúningur, rétt í aðdraganda þess að landinu er lokað, skýrist vitanlega ekki af breytingu á fjölda smita erlendis. Það er ekki um að ræða neina slíka breytingu á tveimur til þremur dögum að hún útskýri að virk smit tvöfaldist skyndilega sem hlutfall af heildarfjölda.

Sérhver vísindamaður með sjálfsvirðingu myndi vitanlega hafa áhyggjur af svo skyndilegum viðsnúningi og leggja kapp á að skýra hann, ekki bara með ómarktækum handarbaksskýringum.

Einhver kynni að velta fyrir sér hvort skýringin liggi í því að eftir að hömlurnar voru settar á hættu erlendir ferðamenn að koma hingað að mestu leyti, og þar sem hlutfall sýktra meðal Íslendinga sé miklu hærra sé þetta skýringin. Þetta er þó ekki endilega rétt skýring.

Því breytingin verður ekki 19. ágúst. Hún er að eiga sér stað 11.-13. ágúst. Fyrir tilviljun eru það einmitt dagarnir þegar fulltrúi lyfjaframleiðandans AmGen, sem nú vinnur á fullu að þróun mótefnis, og hefur því kannski hag af því að hægja sem mest á yfirferð veirunnar, gekk á alla ráðherra ríkisstjórnarinnar til að sannfæra þá, með góðu eða illu, um nauðsyn þess að loka landinu. Fjölgun virkra smita var án nokkurs vafa ein af lykilröksemdunum.

Skrýtið?

 

Hlutfall virkra smita tífaldast

Hver vill taka áhættuna?

Hver er tilbúinn að taka áhættuna af að láta sprauta sig við pest sem er flestum tiltölulega meinlaus með bóluefni sem er þróað og sett á markað á fáeinum mánuðum?

Ástæðan fyrir því að þróun bóluefna tekur mörg ár, jafnvel yfir áratug er einföld:

Aukaverkanir geta verið mörg ár að koma fram. 

Ef ekki væri góð ástæða fyrir því tæki auðvitað miklu styttri tíma að koma bóluefnum á markað.

Hver vill taka áhættuna, með hálfprófað bóluefni sem jafnvel er óvíst að virki?

Bóluefni sé enn mögulegt á þessu ári

Myndin segir meira en mörg orð

Það er enginn gangandi á þessari "göngugötu". Og þannig er þetta nú bara alla daga. Þær örfáu hræður sem eru að þvælast gangandi á Laugaveginum eru á gangstéttinni. 

Hver er eiginlega punkturinn með því að banna bílaumferð þarna? Er ekki illskárra að fólk geti komist akandi í þessar fáu verslanir sem eftir eru en að allir fari bara í Kringluna og Smáralind?

Keyrði í þrígang á mann á göngugötu

Reddar bjartsýnin öllu?

Nú eru vandamálin við að þróa og markaðssetja bóluefni á fáeinum mánuðum, verkefni sem yfirleitt tekur fjölda ára, tekin að koma í ljós.

Samkvæmt WHO er alveg óraunhæft að búast við bóluefni nærri strax og engin trygging fyrir virkni þess. 

En þegar verja þarf heimskulegustu efnahagslegu afglöp Íslandssögunnar er vitanlega nauðsynlegt að hamra á því að bóluefni sé "alveg að koma". Annars gæti nefnilega lýðurinn misst móðinn og risið upp gegn hryðjuverkastarfseminni.

Bjartsýnin reddar nefnilega öllu. Alveg þangað til veruleikinn tekur í taumana.

Ég leyfi mér að setja hér fram þá spá að meiriháttar hneyksli eigi eftir að koma upp eftir að byrjað verður að sprauta fólk með þessum hálfprófuðu bóluefnum sem nú er verið að þróa og framleiða á undanþágum frá öryggiskröfum. Sér í lagi ef sumum appelsínugulum náungum tekst að koma bóluefni í gagnið rétt fyrir forsetakosningar í sumum stórum löndum.

Þegar það gerist mun ég skrifa hér blogg með titlinum "I told you so".

Það eru nefnilega ástæður fyrir því að yfirleitt tekur tíu ár að þróa bóluefni. Ein meginástæðan er að það geta liðið mörg ár þar til aukaverkanir þeirra koma fram. Ef það væri raunhæft og öruggt að markaðssetja bóluefni eftir nokkra mánuði, þá væri það auðvitað almennt gert. Þá væri ástæðulaust að bíða. En það eru ákaflega góðar ástæður fyrir því að bíða.

Enn bjartsýnn á bóluefni á nýju ári

Hvílíkt þvaður!

Hér má sjá þróun dauðsfalla á Bretlandi frá upphafi faraldursins. Eins og sést eru þau nánast engin nú. Hversu langt ætlar veruleikafirringin að ganga?

„Þau hafa misst tökin á faraldrinum“

Hvað skýrir þennan skyndilega viðsnúning í gögnum?

Fram að 13. ágúst, þegar ákveðið var að loka landinu í raun fyrir ferðamönnum höfðu virk smit að jafnaði verið um 40% þess fjölda smita sem greindist á landamærunum.

En frá og með 13. ágúst eru virk smit skyndilega orðin 80% þeirra smita sem greinast á landamærum.

Þetta sést á myndinni, sem er tekin af Covid.is. Appelsínugulu stöplarnir eru óvirk smit, þeir bláu eru virk smit.

Sú skýring sem gefin hefur verið á þessu, að fjölgun smita erlendis sé svo gríðarleg, er einfaldlega ekki trúverðug. Það er hvergi um að ræða einhverja slíka sprengingu í smitum að það skýri þetta. Neðri myndin sýnir þróun nýrra smita í Þýskalandi, bara dæmi um land sem hefur verið nokkuð stórt í ferðamennsku hér. Er eitthvað að gerast þar undir miðjan ágúst sem gæti skýrt þetta? Bersýnilega ekki neitt.

Maður spyr sig því, hvað breyttist? Urðu einhverjar breytingar á aðferðum við greiningu sýnanna? Varð einhver breyting á því hvaða aðili sér um greininguna? 

Það væri altjent áhugavert ef hægt væri að fá óháðan aðila til að yfirfara þessi sýni og sannreyna niðurstöðurnar. Hin skyndilega breyting gefur svo sannarlega meira en fullt tilefni til þess. Hver einasti vísindamaður sem vill láta taka sig alvarlega myndi hafa áhyggjur af svo skyndilegum viðsnúningi í rannsóknargögnum og ekki láta handarbaksskýringar nægja sér.

 

 

 

 

 

 

 

 

Segir Jón Ívar „snúa hlutum á hvolf“

Hárrétt hjá Friðrik

Friðrik hefur mikið til síns máls. Sé markmiðið óljóst eða háð sífelldum ófyrirsjáanlegum breytingum er útilokað að gera sér neina grein fyrir því hverju búast má við. Sé markmiðið hins vegar skýrt er hægt að móta mismunandi sviðsmyndir og bregðast við á grunni þeirra.

Hérlendis virðast stjórnvöld því miður ekki hafa nokkra minnstu hugmynd um markmið sitt. Það setur í rauninni samfélagið allt í uppnám.

Það er lágmarkskrafa að stjórnvöld geri grein fyrir því hvort markmið þeirra er að tryggja afkastagetu heilbrigðiskerfisins, að reyna að koma í veg fyrir að nokkur maður smitist af flensunni, eða reyna að hindra að Kári Stefánsson fari í fýlu. Lægi þetta fyrir væri hægt að vinna eftir því, en meðan það liggur ekki fyrir er óvissan alger.

Stjórnvöld hérlendis hafa í rauninni opinberað algera vangetu sína til að takast á við stöðuna og það er að valda gríðarlegu tjóni.

Segir þörf á skýrri stefnu stjórnvalda

Alltaf batnar það

Nú ræðst taugalæknirinn, sem ríkisstjórnin og allir aðrir virðast farnir að ímynda sér að sé farsóttasérfræðingur, á prófessor sem tjáir sig um málið, og virðist reyna að gera lítið úr skoðunum prófessorsins vegna þess að hann sé ekki farsóttasérfræðingur.

Hvað er annars eiginlega svona "stórhættulegt?" Einhver velt því fyrir sér? Nánast enginn að deyja úr þessum vírus lengur neins staðar þótt smitum fjölgi stöðugt? Hvað er stóra málið?

En, svo aftur sé vikið að rökstuðningnum þarna: Með hvaða hætti er það eitthvað einfaldara að fylgjast með því að fólk haldi sig í sóttkví en að það haldi sig heima án þess að vera í sóttkví? Bíður löggimann fyrir utan hjá þeim sem eru í sóttkví og háfar þá ef þeir sleppa út? Er settur svona gulur borði eins og á glæpavettvangi og íbúðirnar innsiglaðar?

Er ekki kominn tími til að draga djúpt andann, Kári Stefánsson, og slaka á í æsingnum?

Jafnvel þótt þú berir kannski ábyrgðina á vitleysunni þarftu ekki endilega að verja hana fram í rauðan dauðann í stað þess að viðurkenna einfaldlega mistökin?

Stórhættulegt að skipta í heimasmitgát

Breytist þegar fólk fer að missa húsnæðið

Þessar niðurstöður koma ekki á óvart, enda eru afleiðingar þessara víðáttuheimskulegu og óígrunduðu skemmdarverka ekki farnar að koma í ljós.

Þetta snýst við þegar þúsundir fara að sjá fram á að missa heimili sín og lífsviðurværið.

Almenn ánægja með sóttvarnaaðgerðir

Hið brenglaða viðhorf í hnotskurn!

„Það get­ur ekki verið að fólki finn­ist það bara í lagi að fólk legg­ist inn á spít­ala. Ef það er afstaða fólks eru þess­ar aðgerðir nátt­úr­lega íþyngj­andi, en þær eru gagn­leg­ar með til­liti til heilsu­vernd­andi sjón­ar­miða og ég styð þær heils­hug­ar,“ seg­ir Már. 

Þetta viðhorf, að það sé með einhverjum hætti óeðlilegt eða ónáttúrulegt að til þess geti komið að fólk þurfi að leggjast inn á spítala, segir meira en mörg orð.

Hversu raunveruleikafirrtur þarf maður að vera til að láta svona lagað út úr sér?

Styður aðgerðirnar heilshugar