Verðbólgan er ekki 10,8%!

Verðlagshækkun síðasta árið er 10,8%. Verðbólga er rýrnun á verðgildi peninga. Í verðlagshækkun felst verðbólga, áhrif skattbreytinga, áhrif gengisbreytinga, verðlagsáhrif tengd auknu notagildi vara og atvikshækkanir vegna sveiflna í framboði og eftirspurn. Verðlagshækkunin er samtala alls þessa en verðbólgan er aðeins hluti hennar. Á undanförnu ári hefur gengi krónunnar hrunið. Séu þau áhrif dregin frá er verðbólgan síðastliðið ár líklegri til að vera engin, eða jafnvel neikvæð.

Röng verðbólgumæling hefur líklega valdi því að höfuðstóll verðtryggðra skulda hefur hækkað langt umfram það sem lög leyfa. Hún hefur líklega líka valdið því að Seðlabankinn hefur um langa hríð haldið vöxtum mun hærri en raunveruleg verðbólga krefst.

Verðbólgan nú 10,8%

Athugasemdir

[Guðmundur St Ragnarsson, 28.9.2009 kl. 10:47]

Í þenslu virðist sem hækkanir á fasteignum hafi mikil áhrif á neysluvísitöluna. Nú hefur verið verðlækkun á fasteignum. Er það ekki að hafa nein áhrif á vísitöluna?

[Þorsteinn Siglaugsson, 28.9.2009 kl. 11:10]

Verðlækkunin virðist ekki koma fram, líklega vegna þess að það eru eiginlega engin viðskipti á fasteignamarkaðnum.

[Bjöggi (IP-tala skráð) 28.9.2009 kl. 13:24]

Jú jú, það var tekið fram hjá seðlabankanum að verðbólgan hefði verið næstum því 16% (15,8% til að vera nákvæmur) ef húsnæðisliðnum hefði verið sleppt.

[Marinó G. Njálsson, 28.9.2009 kl. 15:14]

Guðmundur,  menn hafa ekki verið að mæla verðlækkun fasteigna síðustu vikur!