Stefnuskráin fundin!

Nú fyrir stundu barst mér í hendur afrit af stefnuskrá Lýðræðisflokksins, en hún hafði verið falin á ónefndum stað á Reðursafninu. Hér er hún:

 Yfirskrift: Burt með eiginhagsmunapot.

1. Eiginhagsmunapot verði bannað.

2. Álögur á eldsneyti á trukka verði afnumdar.

3. Ríkið tryggi trukkabílstjórum fulla atvinnu.

4. Reglur um hvíldartíma trukkabílstjóra verði felldar niður.

5. Vextir af lánum til trukkakaupa verði afnumdir.

6. Trukkabílstjórar fái frítt kaffi í öllum sjoppum landsins.

7. Bannað verði að spreyja táragasi á trukkabílstjóra.

8. Stjórnarformaður Strætó verði rekinn.

9. Fjármálaráðherra verði hengdur.

10. Ræðutími þingmanna verði styttur eða afnuminn með öllu.

11. Málefni aldraðra trukkabílstjóra verði tekin til skoðunar.

12. Hnefarétt í stað orðagjálfurs þingmannadruslna.

Gefur ekkert eftir

Athugasemdir

[Sigrún Jónsdóttir, 6.6.2008 kl. 16:43]

Hver skrambinn Eru þeir að stela "góðu málunum" frá svikurunum, sem hafa einkarétt á pólitík?

Ég er að leita mér að nýjum flokki til að styðja, finn engan í þeirri flóru sem fyrir er

[Hjálmtýr V Heiðdal, 6.6.2008 kl. 19:02]

Það er prentvilla í eintakinu sem þú fannst - ég fann eintak þegar ég var að skila dagblöðum í Sorpu. Í mínu eintaki stendur í 9.gr. að „Fjármálaráðherra verði flengdur“ Kanski er flokkurinn klofinn í þessu máli.

[Þorsteinn Siglaugsson, 6.6.2008 kl. 23:22]

Flengdur eða hengdur. Þar er grundvallarmunur. Klofningshópurinn heitir víst "Samtök sturlaðra marx-lenínskra alræðislýðræðissinna".