Óþefur í stjórnarráðinu?

Alltaf er þetta sama sagan þegar hlutlaust mat er lagt á efnahagsstefnu íslenskra stjórnvalda. Ráðherrarnir fara í fýlu svo óþefurinn berst langar leiðir úr stjórnarráðinu.

Mikið er annars ánægjulegt að greiningarfyrirtækin skuli ekki vera á launum hjá íslenska ríkinu!

Mat á lánshæfi ríkisins tengist samdrætti á verðbréfamörkuðum

Athugasemdir

[haraldurhar, 20.11.2007 kl. 16:57]

   Ja Árni fjármálaráðherra botnar ekkert í þessu, mati frá þessum kálfum út í heimi, en hann botnar allt í kring um okurvexti og kolvitlausa gengisskráningu ísl.kr. og vöruskiptahalla sem nemur milljörðum á mánuði, sem heldur ríkistjóði uppi meðan neyslufylleríið stendur.

  Nei Árni ráðherra ætti nú að taka sig saman í andlitinu og fara stunda það sem hann er lærður í og greina og lækna búfjársjúkdóma.

    Það væri betra að fleiri hagfræðingar létu heyra í sér varðandi ísl. efnahagsundrið.   Eg var farinn að halda að allt sem þið hagfræðinar hefðu lært á sínum tíma væri úrelt, og skylduð bara alls ekkert í nýju hagfræðinni.

[Þorsteinn Siglaugsson, 20.11.2007 kl. 17:04]

Spurning hvort hann sé kominn með einhvern búfjársjúkdóm sjálfur, blessaður.

Varðandi hitt, þá er hagfræðin fjarri því að vera úrelt. Reyndar hefur Seðlabankinn margoft bent á að hér vanti skilvirka hagstjórn, en nú virðist svo komið að það er bara blásið á það sem þeir segja og andvarpað að "þetta sé nú bara hann Davíð, eina ferðina enn!"

[haraldurhar, 21.11.2007 kl. 00:00]

   Ef það er skilvirk hagstjórn að hafa stýrivexti 15 %, með þeim afleiðingum að ísl.kr.  er ofskráð sem nemur 25 til 35 %, sem hefur leitt af sér hrun í öllum samkeppnisiðnaði við útlönd, og okurvexti  á alla þá sem minna mega sín, því allir sem hafa burði til þess að nota aðra gjaldmiðla gera það.

   Eftir því sem ég best veit var þessi fjármálastjórn í líði í S-Ameríku, og endaði eins og hún mun gera ´her með slæmri magalendingu´

   Eg fæ það ekki inn í minn þykka haus, að okurvextir í frjálsu fjármagsflæði, getið haldið niðri   verðbólgu, heldur hef ég trú á þeir auki aðeins á vandann, og leiði til meiri verðbólgu.

   Það er að vísu margt sem ég ekki skil þar á meðal að Davíð skuli vera Seðlabankastjóri, en ekki einhver menntaður hagfæðingur. Og ennþá síður að við skulum hafa 3. seðalbankastjóra í minnsta sjálfstæða gjaldmiðli í heimi.

[Þorsteinn Siglaugsson, 21.11.2007 kl. 08:47]

Með hagstjórn á ég við þær ráðstafanir sem ríkisstjórn getur gert. Ég er hins vegar sammála þér um peningamálastjórn Seðlabankans. Við búum í litlu, ósjálfstæðu hagkerfi svo það segir sig eiginlega sjálft að stýrivextir skipta á endanum litlu máli þar sem fólk og fyrirtæki leita einfaldlega út fyrir landsteinana eftir lánsfé.