Góður Geir Waage

Ansi fannst mér Geir Waage standa sig vel í karpi við fríkirkjuprestinn í Kastljósinu áðan. Ég skil reyndar ekki í þessari umræðu um biblíuþýðinguna hvernig fólki tekst alltaf að rugla jafn rækilega saman málfarslegum og textafræðilegum sjónarmiðum annars vegar og skoðunum sínum á jafnrétti og umburðarlyndi hins vegar. Reyndar fannst mér tilraunir fríkirkjuprestsins til að klína einhverjum kvenhatursstimpli á séra Geir bera óþægilega mikil lýðskrumseinkenni - það var eins og hann vissi betur, því miður, því varla getur guðfræðimenntaður maðurinn verið alveg jafn skyni skroppinn og málflutningurinn virtist benda til.

Athugasemdir

[Predikarinn - Cacoethes scribendi , 23.10.2007 kl. 20:47]

Sammála.

Sr. Hjörtur hefur verið uppvís af því um árabil að komast upp með að varpa fram fullyrðingum um eitt og annað "guðfræðilegt" en kemst upp með að sanna ekki mál sitt.  Skemmst er að minnast fullyrðinga hans um að hann hefði gert miklar guðfræðilegar rannsóknir á atriðum úr Ritningunni. Það var ítrekað kallað eftir þessum fræðilegu rannsóknum hans svo menn gætu metið þær að verðleikum. Enn er beðið fræðiritgerða hans, nærri tveimur árum síðar.