Hvernig á að velja dómara?

Nú liggur fyrir að ríkisvaldið er þrískipt. Af því leiðir að ekki gengur að ríkisstjórn eða Alþingi taki ákvörðun um skipun dómara. Er þá eðlilegt að Hæstiréttur sjálfur geri það? Ekki endilega, en þó hlýtur það að vera í betra samræmi við þrískiptinguna en hitt. Önnur rök fyrir því að Hæstiréttur taki ákvörðun hljóta að vera þau að með því sé tryggt eðlilegt samræmi í samsetningu réttarins og ákvarðana hans, enda hlýtur íhaldssemi að vera mikilvæg þegar kemur að æðsta dómstól landsins svo tryggt sé að ekki verði hraðar breytingar á meðferð mála og dómum. En einnig mætti hugsa sér að t.d. lögmannafélagið tæki þessar ákvarðanir. Í það minnsta er mikilvægt að niðurstaða fáist í þetta mál svo Hæstiréttur þurfi ekki að klofna í hvert sinn sem skipa þarf nýjan dómara.

Þrír hæfastir í Hæstarétti

Athugasemdir

[Jón Gunnar Ásbjörnsson (IP-tala skráð) 26.8.2007 kl. 17:44]

Forseti skipar Hæstaréttardómara að tillögu dómsmálaráðherra.

[Þorsteinn Valur Baldvinsson, 27.8.2007 kl. 10:47]

Forseti Íslands skipi Hæstaréttardómara samkvæmt faglegu mati lagadeilda háskólana og að ósk dómsmálaráðherra.

Mat lagadeilda sé 50% vægi og ráðherrans 50% vægi, en forseti lýðveldisins ákvarði um ráðningu að fengnum þessum umsögnum og hafi heimild til að afla sjálfur frekari umsagna.