Á að gera óbólusett fólk að annars flokks borgurum?

Leiðari Sigmundar Ernis Rúnarssonar í Fréttablaðinu þann 13. nóvember sl. vekur óhug. Í leiðaranum leggur ritstjórinn til að fólk sem ekki hefur verið bólusett gegn kórónaveirunni verði að miklu leyti útilokað frá samfélaginu. Orðræðan er einkar ógeðfelld. Þeir sem ekki kjósa að láta bólusetja sig hafi engin rök fyrir afstöðu sinni, þeir séu baggi á samfélaginu, þeim sé sama um annað fólk og þar fram eftir götunum. Þessi orðræða er sérstaklega óhugnanleg í ljósi þess að hún endurómar beint svipaða orðræðu fyrr á tímum í aðdraganda ýmissa helstu illvirkja mannkynssögunnar. Þannig virðast skoðanir Sigmundar Ernis lýsa hugsunarhætti og siðferðisstigi sem vænta hefði mátt að kæmi ekki upp á yfirborðið í frjálsu lýðræðissamfélagi á árinu 2021. En sagan endurtekur sig. Því er ekki að neita.

Staðhæfingar úr lausu lofti gripnar

Tillaga Sigmundar Ernis grundvallast á staðhæfingum um innlagnir og smit sem ekki koma að neinu leyti heim og saman við þau gögn sem fyrir liggja hérlendis og raunar víðar. Hún grundvallast jafnframt á augljósum fordómum gagnvart þeim hópi fólks sem af málefnalegum ástæðum kýs að þiggja ekki lyfjagjöf sem líkur eru á að geti reynst því skaðleg – nokkuð sem töluvert af gögnum rökstyður.

Fyrst að hinu fyrrnefnda. Sigmundur lætur að því liggja að samfélagslegar takmarkanir vegna kórónaveirunnar séu fyrst og fremst óbólusettu fólki að kenna. Hann staðhæfir (án heimildar) að á Saxlandi í Þýskalandi séu 95% þeirra sem leggjast á spítala vegna veirunnar óbólusettir og heimfærir þessa staðhæfingu upp á stöðuna hér innanlands. Hér er farið með blekkingar. Smittölur á covid.is og gögn Landspítalans um innlagnir, að því marki að þau eru uppfærð, sýna þvert á móti að tæplega 2/3 hlutar innlagna er fólk sem þegar hefur fengið bólusetningu. Sama gildir um smit. Sigmundur byggir þannig tillögu sína á röngum upplýsingum. Ef hlutfall bólusettra er tekið með í reikninginn má ráða að vegna bólusetningar séu smit ríflega þriðjungi færri en þau væru án hennar. Það er nú allur munurinn. Af þessu má sjá að það er fráleitt að draga óbólusett fólk til ábyrgðar vegna vandræða illa rekins spítala.

150 föld áhætta miðað við önnur bóluefni

Frá því að bólusetningar við kórónaveirunni hófust hérlendis hafa samtals 143 einstaklingar verið lagðir inn á sjúkrahús vegna aukaverkana í kjölfar bólusetningar[i]. Alls hafa ríflega 5.500 tilkynningar borist Lyfjastofnun um aukaverkanir, þar af eru tæplega 230 vegna alvarlegra aukaverkana.[ii] Þá hefur verið tilkynnt um 32 dauðsföll í þessu samhengi.

Árið 2019 bárust níu tilkynningar um aukaverkanir vegna bólusetningar við inflúensu.[iii] Leiðrétt gagnvart misstórum úrtökum er fjöldi aukaverkana það sem af er þessu ári því 152 sinnum fjöldinn 2019.

Árið 2019 barst engin tilkynning um alvarlega aukaverkun og engin tilkynning um dauðsfall. Samkvæmt íslenskri rannsókn má almennt búast við einni alvarlegri aukaverkun á hverja hálfa til eina milljón bólusettra.[iv]Það sem af er þessu ári eru þær 1000-2000 á hverja hálfa til eina milljón.

 

 

 

 

 

 

 

 

Bandarísk og evrópsk gögn sýna sömu leitni. Á fundi Matvæla- og lyfjastofnunar Bandaríkjanna nú í haust kom fram að mannfjöldaleiðrétt gögn sýndu 50 sinnum fleiri dauðsföll vegna bólusetninga á þessu ári miðað við meðaltal á fyrri ára.[v]

Þegar eru komnar fram vísbendingar um aukna tíðni fósturláta meðal bólusettra kvenna á fyrstu 20 vikum meðgöngu[vi] og minna má á að mörg hundruð íslenskar konur hafa leitað til yfirvalda vegna neikvæðra afleiðinga bólusetningar á tíðahring, sem látið hefur verið hjá líða að rannsaka með viðunandi hætti.

Íslenskir hjartalæknar hafa lýst áhyggjum af bólusetningu ungra karlmanna vegna óeðlilega hárrar tíðni hjartavöðvabólgu. Tölur frá CDC í Bandaríkjunum benda til sömu leitni; tilfelli amk. 20 sinnum fleiri en búast hefði mátt við.[vii] Aðrar afleiðingar eru meðal annars blóðtappar og lömun. Tilkynningar til VAERS í Bandaríkjunum, um hjarta- og gollurhússbólgur á árinu 2021, eru margfaldar miðað við fyrri ár.[viii]

Tilkynningar um hjartavöðvabólgu og gollurhússbólgu í kjölfar bólusetninga til VAERS 2010-2021

Vitanlega þarf ekki að vera að allar tilkynntar aukaverkanir séu við nánari athugun tengdar bólusetningu.  Sú gríðarlega fjölgun tilkynninga sem sjáanleg er vegna þessara nýju bóluefna gefur þó til kynna að þau kunni að hafa margfalda áhættu í för með sér miðað við eldri tegundir bóluefna.

Vitað er að kórónaveiran leggst afar misþungt á fólk, fyrst og fremst eftir aldri. Ungu og heilbrigðu fólki er hún afar hættulítil, börnum nánast alveg hættulaus, en dánarlíkur aldraðra eru háar. Nefnd breskra stjórnvalda um öryggi bólusetninga lagðist eindregið gegn bólusetningu ungmenna nú í haust, vegna þess að ávinningur væri hverfandi og lengri tíma afleiðingar óþekktar. Nefndin var beitt miklum þrýstingi af hálfu stjórnvalda, en hvikaði ekki frá afstöðu sinni. Að endingu leyfðu stjórnvöld bólsetninguna með þeim rökum að annars myndu þau sjálf valda tjóni á skólagöngu ungmennanna!

Að hafna bólusetningu er málefnaleg ákvörðun studd rökum

Meginhluti þeirra sem hafa ekki látið bólusetja sig hérlendis er heilbrigt yngra fólk, sem er ólíklegt til að veikjast alvarlega af kórónaveirunni og því ólíklegt til að þurfa á sjúkrahússvist að halda. Í ljósi áðurnefndra vísbendinga um stóraukna áhættu af bólusetningunni (152 sinnum meiri líkur á aukaverkun, 50 sinnum meiri líkur á dauða) er slík ákvörðun fullkomlega málefnaleg. Jafnvel mætti leiða að því líkur að það að fólk sem ekki hefur þörf fyrir bólusetningu sleppi henni dragi úr álagi á heilbrigðiskerfið fremur en að auka það. Þær 143 innlagnir vegna bólusetningar sem bætast við hinar 500 alls vegna kórónaveirunnar valda nefnilega líka álagi á kerfið.

Bólusetning gegn kórónaveirunni er gagnleg þeim sem þurfa á henni að halda. Fyrir ungt og heilbrigt fólk eru líkur á að bólusetningin valdi fremur tjóni en ávinningi. Það að hafna bólusetningu á grundvelli gagna og áhættumats er málefnaleg ákvörðun og slíka ákvörðun ber að virða.

Við skulum vona að þær vísbendingar um útilokunar- og ofríkishugsunarhátt sem sjá má í leiðara Fréttablaðsins séu aðeins orðin tóm. Vonum fremur að ritstjóranum hafi orðið á, að málflutningurinn grundvallist fremur á þekkingarleysi, órökréttum ótta og óskýrri hugsun, en illvilja í garð samborgaranna.

 

Erling Óskar Kristjánsson hugbúnaðarsérfræðingur

Geir Ágústsson verkfræðingur

Þorsteinn Siglaugsson hagfræðingur

(Birt í Morgunblaðinu 17. nóvember 2021)

 

[1] https://www.lyfjastofnun.is/frettir/covid-19-sundurlidun-tilkynninga-vegna-gruns-um-alvarlega-aukaverkun-i-kjolfar-bolusetningar-16/

[1] https://www.lyfjastofnun.is/covid-19/aukaverkanatilkynningar-vegna-covid-19/

[1] Upplýsingar frá Lyfjastofnun með tölvupósti 1.11.2021

[1] https://skemman.is/bitstream/1946/21438/1/Lokaskjal.pdf

[1] https://www.youtube.com/watch?v=WFph7-6t34M

[1] Brock, Thornley: Spontaneous Abortions and Policies on COVID-19 mRNA Vaccine Use During Pregnancy. Science, Public Health Policy, and the Law Volume 4:130–143 November, 2021, Clinical and Translational Research

[1] https://www.cdc.gov/vaccines/acip/meetings/downloads/slides-2021-08-30/03-COVID-Su-508.pdf?fbclid=IwAR3jJQ_8QqZXixM8hSMMmOq7eDVd5J-JrpTHQhAGz74VQSA6xOiaSYWPyJI

[1] https://openvaers.com/covid-data/myo-pericarditis

Athugasemdir

[Kristín Inga Þormar, 18.11.2021 kl. 09:18]

Þið félagarnir eigið miklar þakkir skildar fyrir þessa frábæru og vel rökstuddu grein.

[Jónas Gunnlaugsson, 18.11.2021 kl. 17:59]

Þakka þessa umfjöllun alla. 

Það virðast vera mest bólusettu þjóðirnar sem sýna mesta smitið, Gíbraltar, Ísrael, Ísland. 

Einnig er það mjög athygli vert að einhver lyf sem lækna pestina, jafnvel 100%, séu á bannlista eða sæti ófrægjingu. 

Lyfin verður að gefa fyrir veikindin og  / eða strax og veikinar verður vart. 

Læknar fóru í ferðir til Washington til að reyna að fá að nota lyfin í heilsugæslunni, strax áður en fólkið veiktist og strax við einkenni. 

Þessi, sem voru oft sníkjudýra lyf sýndu mjög góða lækningu. 

Sníkjudýra lyfin eru gefin í dýra búskapnum og virka vel á manndýrið og hin dýrin. 

Þessi lyf eru mjög ódýr, enda framleidd í stórum verksmiðjum. 

Mér datt í hug við yfirlýsingar stjórnmálamanna í fjölmiðlum, að það væri nauðsyn ef einhver vildi verða forsætis ráðherra að segja að aðili vildi styðja bóluefna passa trúlega vegna hagsmuna Big Pharma. 

Egilsstaðir, 18.11.2021   Jónas Gunnlaugsson

[Jónas Gunnlaugsson, 23.11.2021 kl. 21:42]

https://www.mbl.is/frettir/innlent/2021/08/16/fimmfaldadi_gjorgaesluna_a_karolinska/

Al­var­leg­ar af­leiðing­ar

Hann seg­ir enn ekki ljóst hver dóm­ur­inn yfir aðgerðum sænskra yf­ir­valda vegna kór­ónu­veirunn­ar verði þegar allt verður gert upp.

Dán­artíðni þar í landi hafi ekki reynst meiri en í skæðum in­flú­ensu­ár­um.

Þó séu nú að koma fram al­var­leg­ar af­leiðing­ar af far­aldr­in­um. Mikið sé um ný­gengi krabba­meina sem séu í stór­aukn­um mæli langt geng­in. Það skýrist senni­lega af því að skimun­um var hætt meðan far­ald­ur­inn stóð sem hæst og að fólk hef­ur dregið það að leita sér lækn­inga vegna ástands­ins.

Viðtalið við Björn er opið öll­um áskrif­end­um Morg­un­blaðsins. Það er aðgengi­legt hér. 

https://www.mbl.is/frettir/innlent/2021/08/16/fimmfaldadi_gjorgaesluna_a_karolinska/

[Jónas Gunnlaugsson, 23.11.2021 kl. 21:47]

Viðtalið við Björn er opið öll­um áskrif­end­um Morg­un­blaðsins.

*********  Það er aðgengi­legt hér.   *********  

                hér. 

[Jónas Gunnlaugsson, 23.11.2021 kl. 22:22]

Viðtalið við Björn er opið öll­um áskrif­end­um Morg­un­blaðsins.

Það er aðgengi­legt hér. 

https://www.mbl.is/frettir/innlent/2021/08/16/fimmfaldadi_gjorgaesluna_a_karolinska/

Prenta út og geima vel.

Ef þú finnur myndbandið undir hér.   reyndu þá að geima það. 

[Jónas Gunnlaugsson, 24.11.2021 kl. 00:57]

Það á að geyma svona grein og myndband úti um allt, það er svo auðvelt að láta greinina og myndbandið hverfa.

Þá verða lygarnar sannleikurinn.

Reyndar er nóg að hamra stanslaust á lyginni í fjölmiðlunum mínum, þá trúa allir því.

Er hægt að finna allt sem er á internetinu?

Hef einnig heyrt að allt sem er á netinu, verði þar áfram.

Við spyrjum þá sem vita.

Hér áður gat ég látið forritið leita að texta á heimasíðunni minni og breytt honum eða eytt.

Alstaðar þar sem þessi slóð var gat ég sett aðra í staðinn, tölvan leitaði sjálf og breytti um texta.

Finndu þetta og breyttu því í þetta.

Forritin eru löngu tínd þegar sett eru inn ný stýrikerfi.

Nútíma forrit eru trúlega dýrari og þá stýrikerfunum breytt til að þau gömlu virki ekki í þeim nýju.

Ég á ekki að minna þá á sem skálda veraldarsöguna.