Siðleysi

Ef elsti hópurinn væri verndaður, og það tækist að 80% að gera það, mætti búast við að dauðsföll í heildina yrðu tæplega 200 í allt þar til ónæmi hefði náðst. 

Mat þeirra sem til þekkja er að lokun landsins ein og sér hafi valdið atvinnuleysi um tíu þúsund manns. Aðeins þessi eina aðgerð leiðir af sér 100-300 dauðsföll. Og þá eru ótalin öll þau sem misst hafa vinnuna vegna annars samdráttar sem leiðir af þessari fáheyrðu tilraunastarfsemi með líf fólks.

Svo er heilsubrestur og sjálfsvíg sem leiðir af einangrun ungs fólks, að því er bannað að stunda heilsurækt, nám þess sett á annan endann.

Og að lokum eru vandamálin sem leiðir af því að opinbera kerfið verður, vegna fjárútláta og skuldsetningar, sem leiðir beint af þessum ábyrgðarlausu aðgerðum, miklu síður fært um að halda uppi viðunandi heilbrigðisþjónustu, velferðarþjónustu og menntakerfi á næstu árum.

Hver sá sem hefur andlega getu til að átta sig á heildarmynd þessara hluta gerir sér grein fyrir að tjónið verður langtum meira en ávinningurinn, í mannslífum talið.

En svo er auðvitað hægt að loka augunum fyrir öllu nema fjölda smita. Þegar einstaklingur gerir það hefur hann í sjálfu sér bara við sjálfan sig að sakast. Þegar ráðamenn gera það er það ekki aðeins ábyrgðarleysi. Það er siðleysi.

Mikilvægara að ná tökum á faraldrinum

Athugasemdir

[Tryggvi Helgason, 14.12.2020 kl. 16:25]

Það sem hefur alltaf vakið mér furðu er það, að það eru til lyf sem læknar fólk af þessari pest, svo sem hydroxychloroquine og remdesivir og fleiri lyf, - en það er eins og læknum sé bannað að nota þessi lyf, og að það sé látið ráðast hvort menn hafi nægilegt mótstöðuafl til þess að læknast af eigin rammleik, eða ekki, - og það án notkunar þessara lyfja.

Trump forseta var gefið þessi lyf og hann læknaðist á 3 dögum.

Ef þessi lyf væru notuð, og gefin öllum þeim sem sína einkenni, væri þá ekki hægt að lækna alla og útríma þar með pestinni.?

Og mætti þá ekki líka, hætta öllum hugmyndum um þessi bólusetningalyf og gefa alla atvinnu starfsemi frjálsa á ný, ... ég bara spyr.?

[Tómas Ibsen Halldórsson, 15.12.2020 kl. 10:47]

Mikið er ég þér sammála Þorsteinn.

Tryggvi, Trump og Rudy Giuliani fengu báðir sömu meðferð og komust yfir veikindin á mjög skömmum tíma, en það má ekki nota þetta fyrir almenning, elítan leyfir það ekki. Þetta hefur allt snúist um að koma með "bóluefni" sem bjarga á öllu. En mun bóluefni bjarga nokkru? Allar líkur eru á að það sem sprautað verður í fólk muni leiða verra af sér. Það er ekki út í bláinn að Bill Gates hafi ítrekað sagt að bólusetja þurfi alla heimsbyggðina. Ætli hann og hans nánustu verði ekki undanskilin? Hann hefur ennfremur lýst því yfir að það þurfi að fækka fólki á jörðinni!!!!

[Geir Ágústsson, 16.12.2020 kl. 12:18]

Tryggvi,

Þetta var í fréttum í haust:

"Við inn­lögn var hann með vírusl­ungna­bólgu báðum meg­in sem og fullt af smá­um blóðtöpp­um í lung­un­um. Hann var sett­ur á blóðþynn­ing­ar­lyf, á vírus­lyfið Remdesi­v­ir og á sterka stera til að hjálpa ónæmis­kerfi lík­am­ans. Stein­ar var sá síðasti sem legið hef­ur á spít­ala í seinni bylgju kór­ónu­veirufar­ald­urs­ins."

https://www.mbl.is/frettir/innlent/2020/09/03/eg_er_thessi_karl_a_attraedisaldri/

Það er því ekki eins og læknar kunni ekki góð ráð. Það gera þeir. Enda eru 24 af 28 dauðsföllum vegna COVID-19 á Íslandi einstaklingar yfir sjötugt á meðan 322 af 5135 smitum eru í þessum aldurshópi.

20 af 28 dauðsföllum eru yfir áttrætt, og smit í þeim hópi samtals 124 af 5135.

24/322 = 11% líkur á dauðsfalli yfir sjötugt.

20/124 = 16% líkur á dauðsfalli yfir áttrætt

4/(5135-322) = 0,08% líkur á dauðsfalli undir sjötugt

Svo þrátt fyrir allt sem hrjáir þá undir sjötugu, svo sem sykursýki, offita, bæld ónæmiskerfi af ýmsum ástæðum og hvaðeina þá eru íslenskir læknar það duglegir að meðhöndla sýkta að það eru nánast engar líkur á að deyja. Jú, einhverjir upplifa langtímaafleiðingar eins og með aðra sjúkdóma en til að verja líf er nóg að verja þá yfir sjötugt og hleypa öðrum í gang.