Vernd viðkvæmra - fundur á morgun!

Það er lykilatriði að vernda þá sem viðkvæmastir eru fyrir sýkingum. Það sýnir þessi dapurlega atburðarás svo ekki verður um villst.

Á morgun kl. 15 munum við Dr. Jón Ívar Einarsson prófessor við Harvard Medical School og Sigríður Á. Andersen alþingismaður ræða við Dr. Martin Kulldorff prófessor við Harvard og einn aðalhöfunda Barrington-yfirlýsingarinnar.

Umræðuefnið snýst einmitt um það hvernig hægt sé að vernda viðkvæma hópa í faraldrinum.

Fundurinn hefst kl. 15 á morgun og verður streymt hér: Er markviss vernd viðkvæmra hópa möguleg?

Ástand og aðbúnaður á Landakoti ófullnægjandi

Athugasemdir

[Benedikt Halldórsson, 13.11.2020 kl. 15:56]

Frábært framtak.

[Þorsteinn Siglaugsson, 13.11.2020 kl. 16:36]

Takk Benedikt. Nú er um að gera að hvetja sem flesta til að fylgjast með. Það verður einnig hægt að senda inn spurningar.

[Ragnhildur Kolka, 13.11.2020 kl. 17:04]

Er ekki nokkuð seint í rassinn gripið? Skýrslan sem birt var í dag segir engar varúðar ráðstafanir sem skipta máli hafi verið gerðar á Landakot. Lítið meira en handþvottur hafi verið milli sjúklinga og covid. Og við erum stødd í 9da mánuði farsottarinnar. 

[Ragnhildur Kolka, 13.11.2020 kl. 17:06]

Jú, ég mun fylgjast með á morgun. 

[Þorsteinn Siglaugsson, 13.11.2020 kl. 17:07]

Það er ótrúlegt að níu mánuðir hafi liðið. Ekki seinna vænna að farið verði að huga að þessum málum áður en næsta uppákoma verður.

[Theódór Norðkvist, 14.11.2020 kl. 02:26]

Þú þekki mína skoðun í þessu máli, þannig að ég ætla ekki að tíunda hana aftur. Læt þig í friði að þessu sinni, hef líka verið mjög upptekinn af forsetakosningadramanu. Þú mátt þakka Trump að þú hefur sloppið við mig.

Engu að síður er þetta áhugaverður fundur, myndi ætla að prófessorar við læknadeild Harvard viti sínu (kó)viti um þessi mál. Vonandi fer nýja lyfið fljótt í umferð og þá verður kannski minni þörf á stofufangelsunum.

[Þorsteinn Siglaugsson, 14.11.2020 kl. 17:38]

Takk Theódór. Vona að þú hafir haft gagn af fundinum.