Færanleg vegrið milli akreina

Það tók hálftíma seinnipartinn í dag að komast Suðurlandsbrautina frá Bolholti og inn í Voga. Bíll við bíl alla leið í austurátt. En sást varla bíll í vesturátt.

Fór þá að velta fyrir mér hvort ekki væri hægt að nýta plássið betur. Hvað til dæmis um að hafa vegriðin milli vegarhelminga færanleg. Þannig mætti hafa þrjár akgreinar í austur síðdegis, en þrjár í vestur að morgni.

Svo fór ég að skoða hvort einhverjum hefði dottið þetta í hug áður. Og bingó! Svona lausnr eru nefnilega til. Sjá t.d. hér: http://www.barriersystemsinc.com/how-it-works

Hvernig væri nú að taka upp svona lausnir? Þannig mætti kannski spara umtalsvert fé í vegagerð og auðvelda fólki lífið.

Svo fór ég að velta fyrir mér hvort það séu einhverjir stjórnmálaflokkar á höfuðborgarsvæðinu sem hafa áhuga á að spara fé og auðvelda fólki lífið. Hvernig ætli það sé nú?

Athugasemdir

[Erla Magna Alexandersdóttir, 29.11.2019 kl. 21:53]

Það eru stjórnendur Reykjavikurborgar sem vilja umferðarteppur og öngþveiti- þeir aka á bil 3 kilometra til Ráðhússins við Tjörnina okkar og fela bílinn- með einkabílstjóra.

 Þeir fá að kúga almenning og nota tækni Hitlers sem einvaldar.

[Þorsteinn Siglaugsson, 29.11.2019 kl. 23:10]

Kannski mætti fækka eitthvað í stjórnendahópnum með því að færa til vegriðin fyrirvaralaust þegar þeir eru á ferðinni á bílstjóradrifnum límúsínum sínum.