Nýja verkó er góð viðskiptahugmynd

Yfirtaka Eflingar er fyrst og fremst frábær viðskiptahugmynd. Markmiðið er völd og fjármunir til handa eiganda Sósíalistaflokksins og meðreiðarsveinum hans.

Veðmálið nú er að það takist að koma ríkisstjórninni frá völdum og efna til kosninga. Þá getur eigandinn komið fram sem frelsandi engill og stöðvað upplausnina sem hann sjálfur hefur valdið.

Heppnist veðmálið hins vegar ekki er samt ljóst að sjóðir Eflingar eru digrir og gott að hafa aðgang að þeim fyrir menn sem ekki hafa mjög eftirsóknarverða ferilsskrá.

 

 

 

 

 

 

 

 

Meðal meðreiðarsveinanna eru marxistar, fólk sem dreymir um að með því að skapa upplausn í samfélaginu takist að koma á sósíalískri byltingu. En það er ekki meginmarkmið eigandans sjálfs.

Í blaðaútgáfu er markmiðið að reksturinn standi undir sér. Í kjarabaráttu er markmiðið að bæta kjör umbjóðendanna. En sumum þeim sem stunda blaðaútgáfu á kostnað annarra er sama um rekstrarárangurinn. Og sumum sem komast yfir verkalýðsfélög er líka skítsama um kjör umbjóðenda sinna. Markmið þeirra eru völd og peningar sjálfum þeim til handa. Ef þeir komast yfir þessi gæði með byltingu er það allt í lagi þeirra vegna. Ef ekki er það ekkert endilega verra.

------------

Það eina sem getur hindrað að þessar fyrirætlanir nái fram að ganga er árangursríkt samtal forystu ASÍ og ríkisstjórnarinnar.

Segir stefna í hörðustu átök í áratugi

Athugasemdir

[Símon Pétur frá Hákoti (IP-tala skráð) 22.2.2019 kl. 14:24]

Það er margt til í þessu Þorsteinn, sér í lagi niðurlagið.  Því reynir mjög á ríkisstjórnina að hún komi miklu meira til móts við kröfur ASÍ um að auka hag þeirra lægst launuðu, ekki hvað síst í skattamálum.

[Þorsteinn Siglaugsson, 22.2.2019 kl. 15:18]

Já Símon. Ríkisstjórnin verður að vakna. Katrín og Drífa þurfa að setjast yfir þetta og taka forystu í að leysa málið. Þær eiga að ráða mjög vel við það enda báðar eldklárar og ábyrgar konur.