Ýmsir tvísaga

Í gær hafði Logi Einarsson þetta að segja um málið í fréttum RÚV:

"Logi Einarsson, formaður Samfylkingarinnar, segir að senda verði Assad forseta Sýrlands skýr skilaboð um að efnavopnanotkun verði ekki liðin. „Og það er auðvitað ógeðslegt að beita þeim gegn eigin þjóð. Það þarf hins vegar að vinna þetta í mjög víðtæku samráði og mér sýnist að þessar árásir takmarkist við staði sem hafa verið að framleiða efnavopn. Og að ekki hafi orðið mannfall.“" ... "En við verðum einhvern veginn að fara að binda endi á þessi átök. Hvort það er gert með árásum og styrjöld, það veit ég ekki. En við getum ekki liðið að þjóðhöfðingjar beiti efnavopnum gegn eigin þjóð.“

En nú eru árásirnar sem hann studdi fullum fetum í gær allt í einu orðnar ótímabærar!

Ótímabærar loftárásir

Athugasemdir

[Guðmundur Ásgeirsson, 15.4.2018 kl. 23:41]

Íslendingar hafa þann leiðinlega ósið í sinni umræðuhefð að tala helst aldrei um kjarna máls heldur stikla á aukaatriðum eins og köttur í kring um heitan graut.

Það er ekki frétt að stjórnmálamaður hafi orðið tvísaga, að fjalla um það gerir engum gagn. Að kjósa einhvern annan sem er samkvæmur sjálfum sér, gæti gert það.

Væri ekki meira gagn af því að ræða um efnisatriði málsins heldur en hver sagði hvað um það og hvort það var það sama og hann sagði í gær eða fyrradag?

Hverjum er ekki sama um þennan stjórnmálamann? Fréttin er sú að verið sé að sprengja enn eitt landið og íbúa þess aftur til steinaldar!

[Halldór Egill Guðnason, 16.4.2018 kl. 01:02]

"Þar rauður Loginn  brann", nema ef ekki hentaði. Aumkunnarverðari þvælubullu og kjaftæðisforkólfi er sennilega ekki betur lýst, en með pistli síðuhafa. Algert skar og þvælubullari í pólitískri umræðu og man ekki deginum  lengur, hvað hann bullaði í gær.

 Þakka góðan pistil og raunsannan, um þvælukarl í óræðu umhverfi. Tækifærissinna sem blaðrar ýmist til hægri eða vinstri, eftir því hvernig vindar blása. Þjóðhættulegan amlóða, sem aldrei hefur lyft svo miklu sem amlóðasteini, þá er menn voru teknir til skýrnar, hvort þeir teldust róðrarhæfir, eður ei. Logi hefði aldrei komist á sjó, svo mikið er víst.

 Skilningsleysi hans á sjónum, umhverfi sínu, verður honum að falli, því hann skilur ekki rassgat hafandi aldrei á sjó komið. 

[Halldór Egill Guðnason, 16.4.2018 kl. 04:40]

 Gott væri að heyra frá þessari mannvitsbrekku, hvenær loftárásir séu tímabærar. Þvílíkur uppskafningur, svo ekki sé meira sagt. 

 Góðar stundir, með kveðju að sunnan.

[Þorsteinn Siglaugsson, 16.4.2018 kl. 15:42]

Það skiptir auðvitað máli, Guðmundur, hvort stjórnmálamaður snýst eins og vindhani eða ekki. Ef við vitum að hann snýst eins og vindhani tökum við kannski minna mark á honum næst.

[Guðmundur Ásgeirsson, 16.4.2018 kl. 17:16]

Alveg sammála um vindhanann enda aldrei tekið meira mark á honum en hverjum öðrum stjórnmálamanni.

Athugasemd mín snerist aftur á móti um að það væri meira gagn af því ræða málefnið heldur en manninn.

Ástæða þess er að á meðan rætt er um manninn en ekki málefnið þá þokast málefnið ekki neitt.

[Þorsteinn Siglaugsson, 16.4.2018 kl. 20:43]

Já, en ég er ekki viss um að við komumst mikið áleiðis með málefnið Guðmundur. Við vitum svo lítið um það.