Í stíl við annað

Í landi þar sem menntun barna hrakar ár frá ári - og þeir sem ábyrgðina bera kenna öllu öðru um en sjálfum sér - kemur ekki á óvart að kennaraþingið snúist aðallega um að reyna að hrekja nýkjörinn formann burt á grunni gróusagna.

Áskorun til Ragnars á þingi kennara

Athugasemdir

[Halldór Egill Guðnason, 13.4.2018 kl. 02:45]

 Ekki heyrst bofs frá þessu þingi, enn sem komið er a.m.k. um hvað gæti hugsanlega valdið hrakförum skjólstæðinga þess. Barnanna í landinu. Þar má þó ekki láta sem það sé allt kennurunum að kenna. Því fer víðs fjarri. Foreldrar eru í dag helsta undirrót ólæsis og lélegrar frammistöðu ungdómsins. Menntastefna bjúrókratíunnar og þeir sem eftir henni starfa, koma næst. Gott væri að heyra meira af því, frá þessu þingi, hvað gera skal til varnar þessari óheillaþróun, sem blasir við öllum, í stað þess að standa í svona karpi. Nemendunum er alveg örugglega ekki skemmt, en það virðist aukaatriði.

 Furðulegur fjandi.

 Góðar stundir, með kveðju að sunnan.

[Þorsteinn Siglaugsson, 13.4.2018 kl. 08:50]

Já, Halldór, það er gjarna talað um að foreldrarnir beri alla ábyrgð á lélegri frammistöðu. Og vissulega bera þeir ábyrgð. En kann ekki að vera að viðhorf foreldra litist af þeim stöðuga áróðri sem kennarastéttin rekur gegn kröfum um árangur, gegn almennum prófum, gegn almennri þekkingu í grunngreinum, og, ekki síst, gegn því að árangur af þeirra eigin störfum sé metinn, en fyrir því að eina hlutverk skólans sé að geyma börnin meðan foreldrarnir vinna og gæta þess að þeim líði þar ekki tiltakanlega illa?

 

Kennarar eru álitnir sérfræðingar í menntamálum. Þá sérfræðikunnáttu er talið, með röngu eða réttu, að þeir öðlist í kennaranámi sem nú er orðið fimm ár. Þegar söngurinn frá þessum "sérfræðingum" er ávallt þessi, er nema von að viðhorf foreldra, sem sífellt er sagt að þeir hafi ekkert vit á málunum, litist á endanum af að hlýða á þann söng?