Ekki batnar það

Stærðfræðingarnir Einar Steingrímsson og Helgi Tómasson hafa sýnt fram á það með sannfærandi rökum að sú niðurstaða að kynbundinn launamunur sé til staðar, þegar tekið hefur verið tillit til þeirra áhrifaþátta sem þarf að taka tillit til, sé röng.

Það er dæmigert fyrir hagsmunaaðila í svona umræðu að reyna að slá ryki í augu fólks með því að varpa fram röngum staðhæfingum, líkt og Kristín Ástgeirsdóttir gerir hér, þegar hún kveður Hagstofuna hafa komist að allt annarri niðurstöðu en þeir Einar og Helgi hafa komist að.

En tölurnar sem Kristín vísar til snúast um óleiðréttan mun, það er þann mun sem til staðar er, en er ekki sýnt fram á að sé með neinum hætti kynbundinn. Einar og Helgi eru hins vegar að tala um þann mun sem eftir stendur þegar leiðrétt hefur verið fyrir áhrifaþáttunum, leiðréttan launamun.

Auðvitað veit Kristín Ástgeirsdóttir betur. Það er það dapurlega.

Hér má sjá umfjöllun Helga Tómassonar. Þeir sem hæst gala um að kynbundinn launamunur sé bara staðreynd og hafna allri umræðu ættu kannski að skoða hana áður en þeir opna munninn næst.

Alltaf mælanlegur kynbundinn munur

Athugasemdir

[Jóhann Kristinsson, 13.2.2017 kl. 15:58]

Kerlingarnar vilja ekki launajafnrétti, þær vilja fá hærra kaup en karlarnir, annars verða þær ekki ánægðar.

Kveðja frá Houston

[Hrafn Arnarson (IP-tala skráð) 13.2.2017 kl. 17:48]

Outskyrður kynbundinn launamunur er 5.7 til 7.5 smkvæmt rannsokn Hagstofu sem notar alþjoðlega viðurkenndar aðferðir. Raunverulegur launamunur er hærri. Hagstofan fullyrðir ekki að munurinn se mismunun konum i ohag. Einar og Helgi hafa ekki sagt neitt meira en <hagstofan sagði 2013.

[Þorsteinn Siglaugsson, 13.2.2017 kl. 17:50]

Ekki er ég nú sammála því, Jóhann. Held að þær vilji bara sömu laun.

[Jóhann Kristinsson, 13.2.2017 kl. 18:37]

Ekki þær sem ég þekki.

Kveðja frá Houston

[Þorsteinn Siglaugsson, 13.2.2017 kl. 20:43]

Ég veit ekki hvaða skýrslu þú ert að vitna í Hrafn, en samkvæmt nýlegri skýrslu Velferðarráðuneytis sem unnin var af Sigurði Snævarr er munurinn 7,6%. Höfundur treystir sér hins vegar ekki til að fullyrða að þarna sé um kynbundinn mun að ræða vegna þess að mikilvægar breytur vantar í greininguna.