Ummerki um eind??

Það er ávallt skemmtilegt þegar blaðamenn takast á hendur að skrifa um eitthvað sem þeir botna ekkert í.

Sjálfur ætla ég ekki að setja mig á háan hest í þessu tiltekna efni, enda veit ég ekkert um eðlisfræði.

Maður hlýtur hins vegar að velta fyrir sér hvernig menn fara að því að sjá "ummerki" um eind, sem að því er virðist er sjálf ósýnileg.

Hvers konar ummerki geta það nú verið?

Skeit hún einhversstaðar?

Fannst fótspor?

Ummerki um Higgs-bóseindina

Athugasemdir

[Fannar frá Rifi, 13.12.2011 kl. 15:31]

Þegar talað er um að eindir skilji eftir sig ummerki er að viðkomandi eind hefur áhrif á það sem er í kringum sig sem síðan mælist á mælitækjum. svona svipað og við stæðum á sitthvorum bakanum við vatn en sæjum ekki hvorn annan. síðan myndi ég kasta stórum steini út í vatnið. gárurnar sem myndast við það þegar steininn lendir í vatninu berast síðan yfir á hinn bakkann þar sem þú stendur. þú sérð gárur og veist að einhverju var kastað út í vatnið þó þú hafir ekki séð það.

[Gunnar Th. Gunnarsson, 13.12.2011 kl. 15:53]

Góð samlíking, Fannar.

Fjöldi stjarna sem vitað er um hafa aldrei sést, heldur finnast ummerki þeirra vegna áhrifa sem þær skapa, t.d. á önnur sýnileg fyrirbæri í geimnum.

[Sævar Óli Helgason (IP-tala skráð) 13.12.2011 kl. 16:04]

Jæja... Karlinn...!

Sko... Þar sem þessi eind er ekki greinanleg, miðað við nútíma þekkingu og tækni, voru kannaðir ferlar Kvarka og annara fiseinda við árekstur atoma í öreindahraðalinum...

Það var gert með því að taka myndir af árekstri atomanna og vonað að merkjanleg áhrif Higgiseindarinnar á sprengiferil agnanna, sem myndast við áreksturinn, myndu koma í ljós...

Þar sem Higginseindin á ekki að hafa efnislegan massa í okkar veraldar- og skynjunarsviði, heldur á hún að skilja eftir sig þyngdarafl þegar hún flakkar um í tímanum, á þessi tilraun í CERN vonandi að útskýra afhverju þyngdaraflið er t.d til...

Ok...?

[Þorsteinn Siglaugsson, 13.12.2011 kl. 16:14]

Þakka ábendingarnar. Þetta var greinilega aðeins of lélegur brandari.

Mikið væri nú annars ánægjulegt ef þeir fyndu þyngdaraflið - maður færi þá að komast niður á jörðina aftur ;)

[Sigurður (IP-tala skráð) 13.12.2011 kl. 23:10]

Það er búið að útiloka öll orkusvið nema 115-131 GeV/c^2 með 95% vissu. Fyrstu niðurstöður sýna að Higgs eindin sé með massann 126 GeV/c^2 með 2,3 sigma sem þýðir að það sé 1/46 að markið sem þeir telja sé Higgs eindin sé signal noise því er þörf fyrir fleiri mælingar. Á næsta ári vona þeir að Higgs eindin verði staðfest með 5 sigma, sem er krafa við svona rannsóknir, en það þýðir að það sé 1/1.750.00 líkur að að merkið sé ekki Higgs bóseindin.

[Birkir Helgi Stefánsson, 13.12.2011 kl. 23:47]

Þessi umræða minnti mig bara á radíusbræður... :)

http://www.youtube.com/watch?v=XmdiVhc8x3w

[Þorsteinn Siglaugsson, 14.12.2011 kl. 01:18]

Er það rétt skilið hjá mér, Sigurður, að þyngdaraflið sé þá blekking, enn sem komið er?

[Einar Örn Gissurarson, 14.12.2011 kl. 02:16]

"Það er ávallt skemmtilegt þegar blaðamenn takast á hendur að skrifa um eitthvað sem þeir botna ekkert í."

Það er ávallt skemmtilegt þegar fólk er farið að gera ráð fyrir því að allt sem blaðamenn skrifa um sé kjaftæði vegna þess að þeir botnuðu ekki í því. Annars fannst mér þetta vera soldið hár hestur sem þú sast á, verð ég að segja.

[Sigurður (IP-tala skráð) 14.12.2011 kl. 22:58]

Higgs eindin tengist þyngdaraflinu svo sem ekki neitt. Massi og þyngdarafl eru tveir algjörlega ólíkir hlutir. Ef við hugsum okkur alheim án þyngdarafls höfum við enn massa. Grundvallar hegðun massa er að hann hefur hverfitregðu, því þyngri sem hlutur er því erfiðara er að koma honum á hreyfingu eða breyta hraða hans og stefnu. Í okkar alheimi hefur massi auka eiginleika að massi myndar þyngdarsvið sem dregur til sín aðra hluti. En svo framalega svo við vitum þá er þetta ekki alltaf staðreynd. Þetta er grundvallar munurinn á Higgs eindinni og eindinni sem við köllum graviton. Graviton eindin er ennþá bara tilgáta en samkvæmt henni er það sú eindsem myndar og stjórnar hvernig þyngdaraflið hegðar sér milli tveggja massa. Þessar eindir eru því tvennt ólíkt.

En að kalla þyngdaraflið blekkingu myndi ég ekki segja að sé rétt, við höfum ummerki um þyngarafl allsstaðar, en enn sem komið er höfum við ekki náð að sýna framá tilvist þessarar graviton eindar.