Vísnakeppni um herradómana!

Fyrst Spaugstofunni hefur nú verið fórnað á altari húmorsleysisins verðum við að finna aðrar leiðir til að hæðast að ráðamönnum. Legg til vísnakeppni og fyrsta framlagið er hér:

Sorgarkvæði um umboðsmann, skuldugan

Runki fór í réttirnar,
ríðandi á honum Brúnka.
Fljótt hann komst í fréttirnar,
fékk í poll að súnka.

Upp úr skreiddist óbrotinn,
en ataður saur og leðju.
Flaugst svo á við færleikinn,
fékk þann skrýddan eðju.

Í réttinni var rýrt hans kið,
réttast því að gleyma:
Úti var um embættið;
nú átti hann hvergi heima.

Fyrr var oft með kónum kátt,
kræfir léku saman.
Nú er að Runka hlegið hátt,
hent að Brúnka gaman.

 

Engin Spaugstofa í vetur

Athugasemdir

[Örn Sigurður Einarsson, 11.8.2010 kl. 00:29]

Ekki vera að elta svona hann Runa

áður var til ærðu og skjóls

umboðsmaður skuldasjóðs

þetta ættu elstu menn að muna. 

[Þorsteinn Siglaugsson, 11.8.2010 kl. 10:07]

Gott svar. Svo er bara hvað verður næst fyrir. Gylfaginning kannski?

[Magnús Óskar Ingvarsson, 12.8.2010 kl. 06:39]

Mér líst vel á Gylfaginningu, en er ekki nægilega hagorður. Vonast eftir að sjá framlög annarra fljótlega!