Hvað á blessuð manneskjan við?

Ef henni finnst ÍTR vera fáránlegur vettvangur ætti hún kannski bara að segja sig úr stjórninni, eða hvað?

En svona í alvöru talað er þetta auðvitað sjálfsögð ósk. ÍTR sér um hátíðahöldin í Reykjavík 17. júní og það er mannsbragur að því hjá fulltrúa Samfylkingarinnar að leggja fram þessa tillögu þrátt fyrir afstöðu flokksins hans.

Varpi ekki skugga á 17. júní

Athugasemdir

[Skeggi Skaftason, 21.5.2010 kl. 15:54]

Þetta er í sjálfu sér smámál. Skiptir varla neinu hvort þessi fundur sé 16. eða 17. júní. 

Hálf-skondið að annar fulltrúi Sf beri þetta fram og viðurkenni þannig að stór hluti þjóðarinnar líti á aðildarviðræður sem eitthvað sorglegt og dapurt. Kannski virðingarvert, eins og þú segir, Þorsteinn, en samt er þannig hálfpartinn verið að viðurkenna að þetta sé nánast dauðadæmt ferli, nema viðhorf skyndilega breytast.

En auðvitað svolítið merkilegt ef satt er, að ákveðið sé með löngum fyrirvara að hefja þessar viðræður akkúrat á þessum tiltekna degi, fimmtudegi eftir tæpan mánuð. Getur verið að það sé að undirlagi Utanríkisráðherra, sem er mikið í mun (skiljanlega) að búa til jákvætt fjölmiðlaspinn í kringum þetta?

[Jón Valur Jensson, 21.5.2010 kl. 16:09]

Allir munu hafa af því megnustu skömm, sem mæla því bót, að afmælisdagur Jóns Sigurðssonar verði svívirtur með þeim hætti að hefja þann dag "aðildarviðræður" (inngöngusáttmála-viðræður) við Evrópubandalagið. Niður með alla þá sem vilja svíkja sjálfstæði okkar og fullveldi, þeir eiga að heyra fortíðinni til á pólitískum vettvangi.

[Þorsteinn Siglaugsson, 21.5.2010 kl. 16:15]

Sjálfstæði og fullveldi þessarar nær ómálga þjóðar er nú svo annað mál, Jón Valur minn. Eins og ég hef einhvern tíma nefnt við þig er það skoðun mín að besta leiðin fyrir þessa voluðu þjóð væri að ráðast á Noreg. Þá geta Norðmenn ekki verið þekktir fyrir annað en hertaka skerið þegar þeir hafa hrakið búandkalla af höndum sér með prik sín og ljái

[Skeggi Skaftason, 21.5.2010 kl. 17:11]

Jón Valur:

ég virði alveg að þú sért eindregið á móti inngöngu og viðræðum til undirbúnings slíks. En viðræðurnar verða vart stöðvaðar héðan í frá, umsóknin var jú lög inn og annar undirbúningur í fullum gangi. Göngum út frá að um endanlega aðild verði kosið í þjóðaratkvæðagreiðslu. Ég hef engar áhyggjur af öðru.

En þar sem þér líkar að dramatisera hlutina, er í raun og veru ekki miklu betra fyrir þig og þína skoðanabræður, að að viðræðurnar hefjist einmitt á þessum degi en ekki t.d. degi fyrr, því þar með gefst ykkur enn betra tækifæri en ella til að mótmæla með miklu þjóðernis-húllumhæi.

[Sigurður Þórðarson, 22.5.2010 kl. 06:50]

Oddný er á móti allri þjóðrembu á pylsu- "hátíð barnanna"