Háskólanum hefur verið fengur að henni þessari!

Af fréttum að dæma voru uppi grunsemdir um að stuðningsmenn Sóleyjar Tómasdóttur hefðu haft rangt við í prófkjöri VG í Reykjavík og umrædd Silja Bára átt hluta heiðursins af þeirri framgöngu.

En bíðum nú við. Auðvitað snýst málið ekkert um óvönduð vinnubrögð í prófkjöri. Vitanlega snýst það aðeins um stjórnmálaskoðanir annars frambjóðandans og aldur og kyn hins.

Við hljótum að óska Háskólanum innilega til hamingju með að fá að njóta starfskrafta slíks vitrings sem með fáeinum vel völdum orðum leiðir okkur fávísum fyrir sjónir kjarna þessa máls!

Moldviðri vegna þess að róttækur femínisti lagði miðaldra mann

Athugasemdir

[Einar Guðjónsson, 9.2.2010 kl. 23:38]

´´Fræðimaðurinn´´ upplýsir meira að segja að atkvæði hafi verið sótt heim á kjördag til fólks og svo stungið í kjörkassann á kjörfundarstað prófkjörs af einhverjum sendlum ´´ en ég var ekki að skutlast´´segir hún á bloggi sínu. Að fræðimaður í stjórnmálafræðideild kunni ekki skil á utankjörfundarkosningu og tilgangi hennar gerir mann hræddum og óttaslegin um hvað sé kennt í Háskólanum.

Ég undrast líka kosningareglur VG í Reykjavík ef þetta er einnig skilningur kjörstjórnar og kosningalögin hjá þeim eru svona. Samt er annar hver félagi í VG í Reykjavík stjórnmálafræðingur og hinn opinber starfsmaður en seinni hópurinn ætti að kunna stjórnsýslulögin.