Mikilvægasta kosningaloforðið svikið? Að sjálfsögðu.

Fyrir kosningarnar lét Jón [Sigurðsson] að því liggja að yrði fylgi við Framsóknarflokkinn í samræmi við slæmt gengi hans í skoðanakönnunum yrði flokkurinn líklega ekki áfram í ríkisstjórn.

„Þá var ég að tala um stjórnarmyndunarviðræður. Stjórnarmyndunarviðræður eru ekki hafnar.

Þetta er nú haft eftir Þjóðskeggi. Það kemur svo sem engum á óvart að þessi fyrirbrigði svíki það kosningaloforð sitt að fara ekki í ríkisstjórn ef þjóðin hafnar þeim. En að gera það á grunni jafn lágkúrulegra útúrsnúninga og hér um ræðir, það kemur smá á óvart. Það er einfaldlega skylda allra alvöru stjórnmálaleiðtoga, eftir þessar kosningar, að koma Framsóknarflokknum frá. Ef Geir Haarde ætlar að verða eitthvað annað en eins kjörtímabils arftaki Davíðs verður hann að gera það. Svo einfalt er það.

Verið að skoða ýmis mál varðandi hugsanlegt samstarf

Nú reynir á

Nú hefur Geir Haarde tækifæri til þess að marka sér stöðu sem leiðtogi og mynda nýja ríkisstjórn með sterkan þingmeirihluta. Hinn kosturinn er að halda áfram núverandi stjórnarsamstarfi með veikburða eins manns meirihluta, á grunni sósíalískrar atvinnustefnu.

Ríkisstjórnin hélt velli með minnsta mun

Frekar kjúklingabringur

Það er leiðinlegt að Jóhannes í Bónus skuli vera svo reiður við Björn að honum finnist hann þurfa að auglýsa það á þennan hátt. Ég hugsa að þetta hitti hann sjálfan fyrst og fremst fyrir og spái því að Sjálfstæðismenn muni ekki strika Björn út út af þessu. Það væri þá frekar að kjósendur annarra flokka glæptust til að strika hann út og ógilda þar með atkvæðin sín.

Geir: Auglýsing Jóhannesar ósmekkleg og óviðeigandi

Eitthvað annað

Það var athyglivert að fylgjast með skoðanaskiptum þáttarstjórnanda og stjórnmálaleiðtoga í Kastljósinu í kvöld þegar kom að umræðu um ríkisrekstur. Stjórnandinn gekk hart fram í að spyrja Steingrím og Ómar hvað ætti að koma í staðinn fyrir ríkisrekna stóriðju. Þegar Steingrímur benti á bjórverksmiðjuna á Árskógsströnd og fiskréttaframleiðslu í Kelduhverfi sem dæmi um að hægt væri að aðhafast eitthvað án þess að fá til þess ríkisábyrgð hnussaði stjórnandinn að það væri munur á 7 og 700 störfum.

Hvað er eiginlega að fólki sem dettur í hug að spyrja með þessum hætti? Trúir það því í alvöru að engin atvinnusköpun geti átt sér stað í landinu nema hún sé niðurgreidd af skattgreiðendum? Og hvers vegna kemur talsmönnum frjáls atvinnulífs aldrei í hug að benda bara á þá einföldu staðreynd að einungis fáein prósent vinnandi fólks í landinu starfar í niðurgreiddum atvinnugreinum á borð við álframleiðslu, járnblendi og annað slíkt. Er ekki einfalda svarið við spurningunni um hvað eigi að gera í staðinn það, að benda á öll fyrirtækin sem ekki njóta opinberra styrkja, sjávarútveginn, fjármálageirann, matvælaframleiðsluna, tryggingafélögin, smásöluverslunina ... og spyrja á móti: Ef eina leiðin til að skapa atvinnu er með ríkisstuðningi hvers vegna starfar þá meginþorri manna í landinu ekki í ríkisstyrktum fyrirtækjum?

Steingrímur: forsætisráðherra hreytir ónotum í kjósendur

Tíðindi af Jóni Baldvin

Það vakti athygli mína að Jón Baldvin Hannibalsson, fyrrum leiðtogi krata skrifar til stuðnings Íslandshreyfingunni í Moggann í morgun. Þetta kemur á óvart enda hefði maður haldið að Jón Baldvin styddi félaga sína í Samfylkingunni í þessum kosningum.

Hann beinir sérstaklega orðum sínum til Sjálfstæðismanna. Þá má velta því fyrir sér hvort hann sé raunverulega að lýsa stuðningi við Ómar og félaga eða aðeins að hrekkja forystu Sjálfstæðisflokksins. Hvað segja menn um það?

Á framfarabraut

"Sveitarfélagið Skagaströnd" er auðvitað miklu þjálla en "Höfðahreppur"!

Skoðanakönnun um hvort breyta eigi nafni Höfðahrepps

Hvenær kemur kjarnorkan aftur inn?

Það er gott að samtök eins og WWF séu farin að skipta sér af mengunarmálum. Vonandi kemur þá að því að þeir og fleiri umhverfisverndarsamtök átti sig á því að kjarnorkan er að öllum líkindum hreinasti og minnst mengandi orkugjafinn sem völ er á. Í ljósi þeirrar andstöðu sem gjarna hefur ríkt við kjarnorku meðal umhverfisverndarsinna yrði slíkur viðsnúningur mjög til bóta. Ég held að spurningin sé fremur sú hvenær það gerist en hvort það gerist. Vonandi gerist það sem fyrst því þegar á heildina er litið er kjarnorkan framtíðarorkugjafinn miklu frekar en kol, olía, vatnsafl eða jarðhiti.

Bresk orkuver á meðal þeirra sem menga mest í Evrópu

Yfirlýsing!

Ég mun á morgun friðlýsa garðinn heima hjá mér. Bannað verður að henda sígarettustubbum í beðin, ganga á grasinu og skemma blóm í garðinum mínum. Það verður líka bannað að láta koma í hann Framsóknarmenn og sökkva honum undir lón í atkvæðakaupaskyni. Ég geri að sjálfsögðu ráð fyrir að fjölmiðlar mæti á staðinn og taki af mér myndir af þessu tilefni. Þeir mega líka taka myndir af nokkrum Kólumbískum sígaunum sem ég hef veitt ríkisborgararétt á leifturhraða og pólitískt hæli í kjallaranum.

Jörðin Hraun í Öxnadal friðlýst

Hvað gera þeir næst?

Þessar atkvæðaveiðauppákomur Frammaranna í aðdraganda kosninga eru nú bara að verða fyndnar. Ætli þeir fari ekki að verða uppiskroppa með eitthvað sniðugt til að láta taka af sér myndir út af? Hvað gera þeir þá? Raka skeggið af formanninum? Mjólka Guðna Ágústsson? Veita nokkrum sígaunahópum pólitískt hæli heima hjá Stóra Jónínumáls-Jónínu?

Dýr og plöntur í útrýmingarhættu sýnd í Leifsstöð

Írskt barn tapar fóstureyðingarmáli

Þannig hefði fyrirsögnin líka getað verið, eða hvað?

Írsk unglingsstúlka vann fóstureyðingarmál