Hvað er málið?

Ég verð að viðurkenna að ég átta mig ekki alveg á því á hvaða forsendum er hægt að verja það að efni sem lýtur höfundarréttarlögum sé dreift á netinu, hvort sem tekjur dreifingaraðilans koma af sölu eða í formi auglýsingatekna sem byggja á aðsókn á síðuna. Flestum þætti það væntanlega lýsa vafasömu siðferði ef einhver tæki upp á því að ljósrita bækur og selja án leyfis höfundar eða útgefanda. Er einhver munur á því og þessu?

Eigandi Torrent.is hyggur á varnir

Öruggur staður til að vera á!

Þetta minnir mann á Brimborgarauglýsingarnar. Þeir ganga þó ekki það langt að bjóða fólki upp á að læsa sig inni í kjallaranum hjá þeim!

Ég gerir ráð fyrir að blessað fólkið verði pínu vonsvikið þegar dómsdagur líður án þess að neitt sérstakt gerist (vonandi..).

Dómsdagssöfnuður bíður eftir heimsendi ofan í helli

Fréttafátæktin mikla ...

... hefur greinilega hafið innreið sína með glans á Morgunblaðinu.

Er þetta ekki 27 ára gömul frétt?

Fornlegir munir á Vesturgötunni

Fullorðnir 8 ára nauðgarar

Þetta er ákaflega einkennileg frétt.

Í fyrsta lagi hljómar mjög undarlega að átta ára barn geti verið fært um nauðgun.

Í öðru lagi virðist augljóst að átta ára barn er barn en ekki fullorðinn maður. Hvernig getur þá nokkrum manni dottið í hug að rétta yfir því "sem fullorðnum"?

8 og 9 ára piltar í haldi grunaðir um aðild að nauðgun

Stórhættuleg vopn

Það er greinilegt að þessar rafbyssur eru mjög hættulegar. Það að í flestum tilfellum deyi fólk ekki af notkun þeirra er ekki röksemd fyrir öryggi þeirra heldur þvert á móti. Það þarf verulega sjúkan huga til að komast að þeirri niðurstöðu að þessi vopn eigi að setja í hendurnar á íslensku lögreglunni!

Lést eftir að hafa verið skotinn með rafmagnsbyssu

Af því að páfinn sagði það

Þetta eru greinilega alvarlegar athugasemdir sem þarna hafa verið settar fram. Slíkri gagnrýni er hvorki nægjanlegt að svara með skætingi né vísan til menntunar þeirra sem gerðu ætluð mistök. Miðað við umræðuna undanfarið virðast hins vegar aðstandendur þýðingarinnar yfirleitt bregðast við gagnrýni á þann hátt.

Það er verulega slæmt mál ef þýðingin er svo illa unnin að virtir fræðimenn á sviði málfræði og textafræði sjái ástæðu til að gera við hana alvarlegar athugasemdir. Maður fékk á tilfinninguna þegar þessi þýðing kom út að allt væri reynt að gera til að hamla umræðu um hana og þagga niður í gagnrýnisröddum. Greinilegt að PR vinnan var vel unnin. En sé verkið gallað kemur það auðvitað í ljós á endanum.

Ég minnist þess að áður en þýðingin kom út hafði einhver gagnrýni ratað á síður blaðanna og var því meðal annars haldið fram að ekki hefði farið fram nægjanlega ítarleg umræða meðal fræðimanna til að hægt væri að segja að verkið væri tilbúið. Aðstandendur brugðust alltaf ókvæða við slíkum ábendingum og virtust taka alla gagnrýni mjög persónulega.

Í þetta verk er búið að eyða áralangri vinnu fjölda fólks og væntanlega ótöldum milljónatugum. Það er verulega alvarlegt mál ef ekki hefur tekist almennilega til.

„Hvað heldurðu að við höfum verið að gera?“

Gott mál - aðeins einn blettur

Það var vel til fundið að afhenda Hr. Sigurbirni þessi verðlaun. Hann er sannarlega vel að þeim kominn. Dagskráin sem sjónvarpað var fannst mér í nærri alla staði einstaklega skemmtileg og vel unnin. Þó þótti mér nauðgun einhvers náunga í hettupeysu á Gunnarshólma ákaflega ósmekkleg og hallærisleg. Eins og tyggjóklessa á Kjarvalsmynd, eiginlega.

Sigurbjörn Einarsson hlaut verðlaun Jónasar Hallgrímssonar

Ef hann hefði nú bara lifað ...

Kveikti aldrei þessu vant á útvarpinu á leið til vinnu í morgun. Einhverjir menn voru að spjalla saman um hitt og þetta og þar á meðal um dag íslenskrar tungu. "Nú væri hann 200 ára hefði hann lifað" sagði einn um Jónas og hinir jánkuðu.

Já, skaði að Jónas skuli hafa fallið frá svona langt fyrir aldur fram!

En svo fóru mennirnir að tala um hvað það væri leiðinlegt að heyra varla lengur íslensku á kaffihúsunum. Þá slökkti ég.

Fjölbreytt dagskrá á degi íslenskrar tugu

5 mánuðir á barn!

Það er ekki amalegt að hafa öflugt dómskerfi og réttlát lög!

Dæmdur í 2½ árs fangelsi fyrir kynferðisbrot gegn 6 stúlkum

Nautheimskir tollarar?

Þetta er væntanlega vatn á myllu þeirra sem vilja sænskar kýr, eða hvað?

Íslenskar mjólkurvörur fastar í tolli í Svíþjóð