Stöndum saman um þetta!

Það eina sem vantar í núverandi stjórnarskrá er ákvæði sem tryggir að tiltekinn hluti kjósenda geti kallað fram þjóðaratkvæðagreiðslu um mál. Nú er staðan sú að forseti getur vísað málum til þjóðaratkvæðis en beiting þeirrar heimildar er háð geðþótta og er því ekki sá öryggisventill sem hún ætti að vera.

Útspil Bjarna Benediktssonar og viðbrögð Árna Páls Árnasonar sýna að hægt er að ná samstöðu um þá breytingu á stjórnarskránni sem máli skiptir.

Nú ríður á að aðrir stjórnmálamenn grípi þennan bolta - fólk standi nú einu sinni saman og sýni þjóðinni að það sé fært um að klára af þjóðþrifamál með sóma.

Fagnar blaðagrein Bjarna

Athugasemdir

[pallipilot (IP-tala skráð) 20.5.2015 kl. 22:25]

Glætan að lögfræðimenntaður maðurinn ætli sér að standa við þetta. Þessa klausu er að finna í lögum og þeir fyrirgera sér áframhaldandi setu á þingi með þessum gjörðum.

79. gr. Tillögur, hvort sem eru til breytinga eða viðauka á stjórnarskrá þessari, má bera upp bæði á reglulegu Alþingi og auka-Alþingi. Nái tillagan samþykki …1) skal rjúfa Alþingi þá þegar og stofna til almennra kosninga af nýju. (.....)

[Þorsteinn Siglaugsson, 21.5.2015 kl. 11:52]

Fyrirgera sér áframhaldandi setu á þingi? Hvers vegna ættur þeir að gera það? Menn eru nú gjarna kosnir oftar en einu sinni á þing.