Vextir fjórum milljörðum of háir

Samkvæmt samkomulaginu er samið um að íslenska ríkið greiði Bretum 5,5% vexti af þessum lánum. Núverandi vextir á breskum sjö ára ríkisskuldabréfum eru 4,75%.

Samkvæmt þessu munu Íslendingar greiða 75 punktum hærri vexti en eðlilegt væri. Til nánari skýringar gætum við hugsað okkur að breska ríkið selji sjö ára ríkisskuldabréf til að fjármagna lánið til Íslands, með 4,75% vöxtum, og greiði þá 31 milljarð króna á ári í vexti af því. Bretar lána þetta fé áfram til Íslendinga og innheimta 35 milljarða á ári.

Breska ríkið græðir þannig 4 milljarða árlega á láninu, 28 milljarða alls á sjö árum.

Ég vona að fjármálaráðherra gangi ekki frá samningum á þessum nótum.

Engin Icesave-greiðsla í 7 ár

Athugasemdir

[Sævar Einarsson, 5.6.2009 kl. 15:53]

Það sem ég skil ekki er að hvernig er hægt að semja um eitthvað sem er ekki á ábyrgð Íslands, Bretar settu jú hryðjuverkalög á Landsbankann, frystu alla eigur og yfirtóku bankann í Bretlandi og þá hefði ég haldið að ábyrgðin væri þeirra þar sem þetta er jú eignarupptaka Breta á bankanum og það á við bæði skuldir og eignir, alveg furðulegt að bjóðast til að borga eitthvað sem okkur varðar ekkert um.