Eins og þeir eru klæddir!

Erfitt er að sjá hvað Guðjóni Ólafi gengur til með umfjöllun um fatakaup félaga sinna í Framsóknarflokknum, en hafi markmiðið verið að vekja kátínu, þá hefur það sannarlega náðst!

Nú ríður auðvitað á að framsóknarmenn komi til dyranna eins og þeir eru klæddir! Hér dugar ekkert annað en sannleikurinn í allri sinni nekt, rétt eins og keisarinn góði forðum.

Kannski er Guðjón Ólafur hér í hlutverki barnsins, sem gerði lýðum ljósa nekt keisarans. Nema í þessari sögu er keisarinn reyndar í fötum en ekki allsber, þótt vafalaust séu þau ofin úr dýrasta klæði eins og keisurum sæmir!

Já, fötin skapa manninn. Og sumum mönnum skapa þau kannski pólitíska framtíð þegar félagar þeirra íklæðast dómaraskikkju.

Gagnrýnir fatapeninga framsóknarmanna

Athugasemdir

[Guðjón Sigþór Jensson, 19.1.2008 kl. 14:11]

Þessi nafni minn hefur oft verið sér til skammar, því miður verður að segja. Félagar hans kunna honum sjálfsat engar þakkir fyrir að vekja athygli á svona hégóma. Spurning er hvaða hvatir búa að baki.

Mosi