Ráða kannski prófarkalesara?

"SA spá meiri hagvöxt" ???

"Vaxtastefna Seðlabankans leiði til gengissveiflna á krónunni og líklegt sé að það muni falla með hvelli á einhverjum tímapunkti." ... Hvað er það sem mun falla ?? ... Hvaðan kemur líkingin að "falla með hvelli" ??

Hvernig væri að Mbl. réði prófarkalesara, nú eða kenndi prófarkalesaranum smá íslensku?

Mér finnst þetta vera lágmarkskrafa. Ég er til dæmis ekki að fara fram á að fréttatextinn beri með sér að blaðamaðurinn hafi skilið það sem hann er að fjalla um. Langt síðan maður gafst upp á að nöldra yfir því!

SA spá meiri hagvexti heldur en fjármálaráðuneytið

Athugasemdir

[Predikarinn - Cacoethes scribendi , 19.10.2007 kl. 09:26]

Sæll Þorsteinn. Ég er þér hjartanlega sammála. Íslenskukunnáttu hefur hrakað verulega á undanförnum áratugum. Slæmt er fyrir dagblöðin að starfsmenn þeirra kunni þar ekki gott og rétt mál. Verra er jafnvel á auglýsingastofum sem gera auglýsingar fyrir aðra, og munu ekki vera með hvað lægstu gjaldskrána í bænum. Menn eru þar að greiða himinháar upphæðir fyrir stafsetningarvillur og lélegt málfar.