Að bjarga lífi eða mæta í jarðarför

Í Bandaríkjunum er almenningur hvattur til að eiga í fórum sínum þetta lyf, sem bjargað getur mannslífum.

Á Íslandi er það hins vegar svo, að komi maður að fíkli milli lífs og dauða getur hann ekki átt lyfið í fórum sínum. Það er nefnilega, auðvitað eins og með allt annað hér, bannað að kaupa það nema út á lyfseðil. Sá sem kemur að dauðvona manninum verður því fyrst að panta tíma hjá lækni, síðan að reyna að sannfæra lækninn um að hann þurfi á lyfinu að halda, sem auðvitað tekst ekki.

Með öðrum orðum:

Bandaríkjamaðurinn getur bjargað hinum dauðvona.

Íslendingurinn verður að láta sér nægja að mæta í jarðarförina.

Hvetur fleiri til að bera naloxone

Athugasemdir

[Halldór Egill Guðnason, 6.4.2018 kl. 00:23]

 Íslendingurinn kemst ekki einu sinni í jarðarförina. Hann verður enn á biðstofunni. Það væri annars ansi fróðlegt að fá upplýst, hvort þessi nefúði sé á einhvern hátt skaðlegur þeim sem ekki eru lagstir í coma og hvort hann geti skaðað á einhvern hátt þá sem edrú eru.

 Góðar stundir, með kveðju að sunnan.