Smekklaus og kjánalegur samanburður

Hinn virti og vinsæli forseti Finna, Urho Kekkonen, sat í embætti í 26 ár, og hefði setið lengur hefði hann ekki þurft að láta af embætti vegna veikinda. Engum datt þó í hug sú smekkleysa að líkja honum við grimma einræðisherra í þróunarlöndum.

Það er undarlegur fréttaflutningur að stilla forseta Íslands, sem situr í nær valdalausu forsetaembætti og hefur verið kjörinn fimm sinnum í lýðræðislegum kosningum, upp með einræðisherrum í Afríku.

Veit blaðamaðurinn ekki að einræðisherrar ríkja einir yfir þegnum sínum og halda völdum í krafti hervalds, ekki í krafti vestræns lýðræðis?

Ólafur í hópi með einræðisherrum

Athugasemdir

[Egill Vondi (IP-tala skráð) 19.4.2016 kl. 21:24]

Blaðamaðurinn er sjálfsagt einn af "góða fólkinu". Píratasinnar blaðamanna og aðrir vandræðaseggir sem tóku þátt í að koma á laggirnar skiðulögðum mótmælaaðgerðum á Austurvelli með múgæsing og fréttastjórnun eru enn í rusli yfir því að geta ekki valtað yfir kerfið með skrílslátum sínum. Maður verður bara að vorkenna þessu fólki, þetta er eins og að sjá krakka sem átta sig á því að þau fá þrátt fyrir allt ekke allt upp í hendurnar bara með yfirganginum einum saman.

[Grímur Kjartansson (IP-tala skráð) 19.4.2016 kl. 21:53]

Hefur Jóhannes Kristjánsson hafið störf á Mbl.  ?

Afhverju er mynd af Mugabe - hann er í 5 sæti

Þetta er langt fyrir neðan virðingu Morgunblaðsins

[Aðalsteinn Geirsson (IP-tala skráð) 19.4.2016 kl. 21:58]

Hvar er listinn yfir ríkisstjórnir í Evrópu sem hafa brotið stjórnarskrá lands síns?

[B.N. (IP-tala skráð) 19.4.2016 kl. 22:03]

Hér er einn sem er forseti þingsins sem er búinn að vera 25 ár á þingi í umboði kjósenda eða 5 ár meira en Ólafur hefur setið í stól forseta Íslands 

Kv.Baldvin Nielsen

 

Einar K. Guðfinnsson

• Embætti: Forseti

• Kjördæmi: Norðvesturkjördæmi

• Þingflokkur: Sjálfstæðisflokkur

Þingseta

Alþingismaður Vestfjarða 1991–2003, alþingismaður Norðvesturkjördæmis síðan 2003 (Sjálfstæðisflokkur).

[Landfari, 19.4.2016 kl. 22:12]

Fyndið hvað svona "frétt" segir mikið um þankagang þess sem skrifar en ekkert um málefnið.

Er blaðið svona illa statt að geta ekki ráðið til sín blaðamenn?

[Birgir Gudjonsson (IP-tala skráð) 19.4.2016 kl. 22:59]

Það er öll 365 maskíanan á fullu, að blogga, fara í þætti hjá sjálfum sér og svertandi Forsetann.

Jón Ásgeir við stjórnvölinn !

[Skúli (IP-tala skráð) 20.4.2016 kl. 01:41]

Hvaða hvaða, af hverju að túlka þetta svona? Mogginn er hér einungis að skrifa upp eftir Viðskiptablaðinu sem hefur kóperað listann líklega frá Wikipedia sem hægt er að skoða hérna: https://en.wikipedia.org/wiki/List_of_current_longest_ruling_non-royal_national_leaders

Það er ekki verið með þessu að reyna að klína einhverjum einræðisherrastimpli á ÓRG, bara benda á að þessi langa seta hans er kannski ekki endilega sniðug og þekkist varla í þeim löndum sem við viljum oftast bera okkur saman við... En það væri þá væntanlega spurning um stjórnarskrárbreytingar ef á það ætti að takmarka árafjöldann.

[Helgi Armannsson (IP-tala skráð) 20.4.2016 kl. 04:38]

Sammala hverju orði Þorsteinn

[Jón Steinar Ragnarsson, 20.4.2016 kl. 06:07]

Morgunblaðið komið á level með gulu pressunni.

Mér finnst þessi grein vera til hávorinnar skammar og þvílíkur óforbetranlegur dónaskapur og virðingarleysi að ég held að Tabloid blöðin nái varla að toppa þetta. 

Ritstjóranum er kannski í nöp við manninn og blaðabarni í mun að sanna sig í starfinu. Spurningin er hvort þetta er skoðun eins blaðamanns eða hluti af ritstjórnarstefnunni. 

Blaðið fjölgar allavega ekki áskrifendum með svo ómálefnalegum ad hominem skrifum. Fólk fær alveg skammtinn sinn af því í öðrum miðlum.

[sæmundur (IP-tala skráð) 20.4.2016 kl. 08:07]

Kekkonen var Forseti finnlands í 26 ár og hætti þá vegna veikinda

[Skeggi Skaftason, 20.4.2016 kl. 13:36]

En eftir tíma Kekkonen breyttu Finnar sinni stjórnarskrá, svo nú má sami maður bara gegna embætti Forseta í tvö sex ára kjörtímabil, eða samtals 12 ár.

[Agla, 20.4.2016 kl. 14:32]

Mér finnst það léleg afsökun ( hjá Skúla #7) fyrir birtingu þessarar ´fréttar´ Moggans að hún sé skv ´frétt ´Viðskiptablaðsins´sem kvu vera skrifuð eftir Wikipedia (!).Ég hef haldið í þá barnstrú að Mogginn sé  hugsanlega alvöru fréttamiðill.

Ég sé ekki betur en að  birtingu þessarar ´fréttar´ megi túlka sem tilraun til að bendla forsætaembættið, og þann sem því gegnir, við illræmd  einræðisríki og mér finnst furðulegt að Morgunblaðið skuli hafa sýnt lesendum sínum og  Íslenskum kjósendum, sem njóta þeirra forréttind að búa í lýðræði, þá óvirðingu að setja þá í sama bás og þegna einræðisríkja án nokkurra vitsmunalegrar nálgunnar.

[Rödd skynseminnar, 20.4.2016 kl. 23:18]

Það eina sem Morgunblaðið er að gera í þessari frétt er að birta lista yfir núverandi kjörna þjóðarleiðtoga sem lengst hafa setið!  Hvað er svona hræðilegt við það??

Þá kemur í ljós að í þeim hópi eru fyrst og fremst einræðisherrar og/eða leiðtogar ríkja þar sem lýðræði er frekar vanþroskað.  Með því er alls ekki verið að segja að Ólafur sé slíkur. Alls ekki.

AF HVERJU er það að Ólafur er eini vestræni leiðtoginn í þessu hópi??  Jú, af því að flest vestræn ríki hafa áttað sig á því að það einfaldlega hefur fleiri kosti en ókosti að takmarka þann tíma sem sami einstaklingur getur setið í embætti þjóðhöfðingja.

Vissulega eru fjölmargir hér á landi sem átta sig ekki á þessu og skilja ekki af hverju það er talið lýðræðinu til framdráttar að hafa slík takmörk. Þeir gætu spurt t.d. Ólaf Ragnar, fyrrverandi prófessor í stjórnmálafræði, sem aðspurður hefur svarað því að það sé almennt ekki eðlilegt að sami maður sé forseti mjög lengi. En hann telur að sérstakar aðstæður kalli á það núna - og líka fyrir 4 árum síðan.

Eins og prófessor Ragnhildur Helgadóttir (og margir fleiri) hefur bent á standast þær skýringar Ólafs Ragnars alls ekki.