Til hvers er eiginlega verið að þessu?

Fram kemur í fyrirsögn fréttarinnar að til standi að fella hugtakið þjóðareign út úr frumvarpi um að yfirlýsing um þjóðareign á auðlindum fari inn í stjórnarskrá! Það er vissulega jákvætt ef hætt verður við að setja merkingarlaust hugtak í stjórnarskrána. En hvað á að koma í staðinn? Ákvæði um að auðlindir skuli nýta þjóðinni til hagsbóta! Ég leyfi mér að spyrja: Gætu þær aðstæður mögulega komið upp að ekki væri hægt að réttlæta einhverja tiltekna ráðstöfun auðlinda með því að þær væru þjóðinni til hagsbóta? Í alvöru talað, er ekki kominn tími til að hætta einfaldlega við þessa vitleysu? Málið er stjórnarflokkunum báðum til skammar.

Rætt um að fella hugtakið þjóðareign út úr frumvarpstexta

Athugasemdir

[Einar Jón, 15.3.2007 kl. 07:07]

Til hvers er eiginlega verið að þessu?

Framsókn reyndi að mála sig sem stjórnarandstöðuflokk korter í kosningar, eins og þeir hafa gert oft áður, og hótaði m.a. stjórnarslitum ef ekki væri eitthvað gert í auðlindamálum (þó þeir hafi sjálfir ekkert gert í þeim sl. 4 ár).

Þetta virtist vera ágætis "PR-stunt" án nokkurra afleiðinga, en stjórnaranstöðuflokkarnir ákváðu að styðja þetta (hér vantar góða íslenskun á call their bluff) svo að framsókn var búin að mála sig út í horn. Eina leiðin var að setjast niður með "stóra bróður" í stjórninni og semja eitthvað nógu loðið og ómerkilegt til að það það skaði ekki kvótakóngana. Útkoman er þetta rugl.

Þannig sé ég þetta allavega - öllum er frjálst að leiðrétta mig, ef þeir telja sig hafa betri skýringu.