Hvert stefnum við?

Eftir því sem ég best veit er Illugi Gunnarsson einn af okkar bestu þingmönnum og ekki annað að sjá en hann hafi verið heiðarlegur og málefnalegur í störfum sínum í þinginu. Því er missir að honum úr þingstörfunum.

Vitanlega er erfitt fyrir þingmann að sitja undir því vantrausti sem óneitanlega hefur skapast gagnvart öllum sem komu nálægt starfsemi bankanna, en maður hlýtur að velta fyrir sér hvort afsagnir af þessum toga séu endilega það sem við viljum - og hvort þær breyti í raun einhverju um framtíðina.

Illugi fer í leyfi frá þingstörfum

Athugasemdir

[Matthías Kristinsson (IP-tala skráð) 16.4.2010 kl. 14:15]

Ég er mjög hissa á að Illugi skuli verða fyrstur til að hverfa af þingi, því að það hefðu aðrir frekar átt að gera fyrir löngu. Þar nefni ég fyrsta Þorgerði Katrínu Gunnarsdóttur og síðan ætti löng buna úr mismunandi flokkum að fylgja í kjölfarið. Þetta framtak Illuga sýnir drengskap hans og heiðarleika, en jafnframt ódrengskap þeirra sem frekar áttu að hverfa af þingi, og það fyrir fullt og allt.

[Ólafur Ingi Hrólfsson, 19.4.2010 kl. 07:16]

Þorsteinn - ég tek undir þín orð

það er hinsvegar illt þegar múgsefjun - rangtúlkanir og rógur hrekur fólk til aðgerða af þessu tagi.

Lýðskrumarar og sjálfskipaðir dómarar og böðlar verða ekki til þess að reisa þetta þjóðfélag við.

Og þá ekki sú lánlausa ríkisstjórn sem hér situr -

Ein upprifjun - ég tel mig muna það rétt að það hafi verið 2007 sem Bjarni Benediktsson og Illugi Gunnarsson skrifuðu grein sem var aðvörun um það hvað gæti skeð ef bankakrísa kæmi upp.

Þeir bentu á að slíkt yrði mun alvarlegra fyrir þjóðina en verðbólga.

En Þorsteinn - þú errt örugglega með þetta á hreinu - átt sennilega greinina