Svartur blettur á samfélaginu

Mér finnst alltaf jafn kjánalegt þegar einhverjar hreppsnefndir úti í sveit taka upp á því að banna dýrahald. Það er eins og þetta lið sé ekki alveg í takt við veruleikann.

Það tekur svo út yfir allan þjófabálk þegar brengluðum einstaklingum er veitt veiðileyfi á heimilisdýr bæjarbúa eins og þarna er greinilega um að ræða. Vesalmenni af þessum toga setja svartan blett á samfélagið!

Skaut heimiliskött á Húsavík

Maybe I should have...

... sagði fyrrverandi forsætisráðherra aðspurður hvers vegna hann hefði ekki rætt við breska kollega sinn í kjölfar undarlegra yfirlýsinga þess síðarnefnda.

Ætlar nýi forsætisráðherrann að falla í þessa gryfju líka og kalla þar með yfir okkur aðra búsáhaldabyltingu, eða ætlar hún að ræða þetta mál tafarlaust við kollega sinn, tryggja að réttar upplýsingar komist á framfæri og, síðast en ekki síst, ráða alvöru samningamann til að leiða samningana við Breta og Hollendinga. Það er grundvallaratriði að sá sem stýrir svona samningaviðræðum komi ekki af fjöllum þegar upp koma grunsemdir um að gagnaðilinn hafi verið að fara á bak við hann.

Bretar að semja við IMF

Hestgjafinn??

Við hjónin ösnuðumst til að kaupa prufuáskrift að uppskriftablaðinu Gestgjafanum.

Misstum samt eiginlega lystina þegar okkur barst fyrsta tölublaðið, stútfullt af hestaketsuppskriftum.

Flaug þá í hug að líklega færi betur á að blaðið héti Hestgjafinn. Veltum svo fyrir okkur með nokkrum óhugnaði hvert þema næsta blaðs yrði: Hundaket, mannaket??

Við ætlum þá að senda inn uppskriftir. Til dæmis kryddlegnar auðmannalundir. Eða atvinnuleysingjasmásteik af fullorðnu!