Eitt stórt plott!

Umhverfisráðherrann byssuglaði veit sem er að það er ekkert einleikið með þessa ísbirni. Þetta eru ekki ísbirnir heldur njósnatæki sem send hafa verið á land til að undirbúa miklu stærri innrás. Allt á vegum hulduhersins Bjarnason Army sem hyggst ræna völdum eftir að Baugsmálið fór í vaskinn!

Það er því ekki aulaháttur að ráðherrann skuli ekki hafa gengið strax í að undirbúa komu næsta ísbjarnar, heldur allt með ráðum gert, enda mikilvægt að forða landanum frá valdaráninu.

„Allt í biðstöðu"

Stefnuskráin fundin!

Nú fyrir stundu barst mér í hendur afrit af stefnuskrá Lýðræðisflokksins, en hún hafði verið falin á ónefndum stað á Reðursafninu. Hér er hún:

 Yfirskrift: Burt með eiginhagsmunapot.

1. Eiginhagsmunapot verði bannað.

2. Álögur á eldsneyti á trukka verði afnumdar.

3. Ríkið tryggi trukkabílstjórum fulla atvinnu.

4. Reglur um hvíldartíma trukkabílstjóra verði felldar niður.

5. Vextir af lánum til trukkakaupa verði afnumdir.

6. Trukkabílstjórar fái frítt kaffi í öllum sjoppum landsins.

7. Bannað verði að spreyja táragasi á trukkabílstjóra.

8. Stjórnarformaður Strætó verði rekinn.

9. Fjármálaráðherra verði hengdur.

10. Ræðutími þingmanna verði styttur eða afnuminn með öllu.

11. Málefni aldraðra trukkabílstjóra verði tekin til skoðunar.

12. Hnefarétt í stað orðagjálfurs þingmannadruslna.

Gefur ekkert eftir

Samdráttarbölið í ýmsum myndum

Eftir því sem mér skilst er meginástæðan fyrir trukkauppreisninni sú að mennirnir hafa lítið að gera vegna samdráttar í efnahagslífinu. Þegar slíkt gerist þurfa duglegir menn að finna sér eitthvað til dundurs. Trukkaflokkur Sturlu er vafalaust bara byrjunin.

Sturla stofnar nýjan stjórnmálaflokk

Góð viðbót í púkkið!

Við Íslendingar eigum greinilega upp á pallborðið hjá erlendum fjölmiðlum um þessar mundir. Fyrst reðursafnið, svo hvalketssmyglið og að lokum hetjudáð hinna valinkunnu ísbjarnarbana. Samkvæmt OECD er víst skerið að fara á hausinn - en það er ekki fyrr en á næsta ári svo nú þurfum við að nota tímann vel í fleiri skemmtileg uppátæki!

Hvítabjarnarmál vekur athygli

Hvar er Þórunn bjarnarbani nú?

Nú ríður á að hinn skeleggi umhverfisráðherra taki sér byssu í hönd og losi okkur við þessar skaðræðisskepnur. Áreiðanlegar heimildir herma að fiskar þori ekki að hleypa börnum sínum út af ótta við skrímslin.

Steypireyðar á Skjálfanda

Umhverfisráðherra éti ísbjörninn!

Er það ekki ljóst að næsta skref í þessu máli hljóti að vera það að umhverfisráðherra og utanríkisráðherra éti ísbjörninn í sameiningu í beinni útsendingu frá höfuðstöðvum Sameinuðu þjóðanna?

„Hefði átt að loka veginum"