Gott að það var bara arsenik...

en ekki bölvaður bjórinn, sagði kellingin. En við segjum ekkert slíkt. Við segjum bara: Gott að það var bara framhaldsnám.

Ágúst Ólafur hættir

Hvað um tengsl við stjórnmálamenn?

Ég efast ekki um að hinn sérstaki saksóknari sé hinn besti maður. Þótt ekki sé nema fyrir það að hann skuli hafa látið til leiðast að taka að sér þetta, að því er virðist, óvinsæla embætti, þjóðinni vonandi til gagns.

Ég velti því hins vegar fyrir mér hvert verksviðið er. Eins og fram kemur þurfti umsækjandinn að gera nákvæma grein fyrir tengslum sínum við bankamenn. Ekkert er hins vegar minnst á tengsl við stjórnmálamenn eða kerfiskarla, sem að margra mati bera hina raunverulegu ábyrgð á því hvernig fór. Merkir þetta að aðeins eigi að hefja nornaveiðar í bönkunum sjálfum, en láta aðra afskiptalausa? Slíkt væri einkennilegt, enda hlýtur ábyrgð þeirra sem kjörnir eru til þess að tryggja stöðugt og öruggt umhverfi í samfélaginu að vera mun meiri en bankamanna úti í bæ.

Með öðrum orðum: Ef lögreglan léti undir höfuð leggjast að handtaka ræningja tækjum við varla mikið mark á því þótt lögreglustjórinn afsakaði sig með því að þetta glæpirnir væru bara ræningjunum að kenna en hann bæri enga ábyrgð sjálfur.

Ótengdur útrásarfyrirtækjunum

Þarf ekki að vígbúa Hamas?

Enn og aftur keyra stríðsglæpir Ísraelsmanna um þverbak. Ekki í fyrsta sinn og vafalaust ekki heldur í síðasta sinn.

Enn og aftur skáka þeir í því skjóli að tekist hefur að telja stórum hluta Vesturlandabúa trú um það, að sá munur sé á þeim og Hamas, að Hamas séu hryðjuverkamenn en Ísraelsstjórn ekki.

Enn og aftur byggja þeir á stuðningi sem grundvallast á því einu að um allan heim er til nægilegur fjöldi heimskingja sem óttast og hata þá sem eru ólíkir þeim, en styðja sjálfkrafa þá sem þeir halda að svipi til sín.

Svo lengi sem Ísrael stafar engin raunveruleg ógn af andstæðingum sínum heldur yfirgangurinn áfram, mannréttindabrotin, fjöldamorðin, sem þetta rasíska ríki virðist grundvalla tilveru sína á. Væru Palestínumenn hins vegar vel vopnum búnir og gætu svarað árásunum af fullum þunga, kynni þá ekki að vera að Ísrael veigraði sér frekar við því að ráðast gegn þeim? Ógnarjafnvægi dugði Evrópubúum frá lokum síðari heimsstyrjaldar og þar til Sovétríkin hrundu. Því skyldi það ekki gagnast þarna líka? Þarf ekki að vígbúa Hamas?

Sprengdu hús fullt af fólki