Reductio ad Hitlerum

Kanadísk stjórnvöld réttlættu yfirgengilegar aðgerðir sínar gegn mótmælendum með ásökunum um nasisma. Einstaka hakakrossfáni sást á götum úti og þar með voru allir mótmælendur orðnir að nasistum.

Í Kanada birtust myndir af Trudeau með Hitlersskegg.

Pútín réttlætir innrás í Úkraínu með ásökunum um nasisma. Í Úkraínu hafa lengi verið hópar öfgahægrimanna og þar með eru stjórnvöld í landinu orðin að nasistum.

Og í Evrópu segja margir: Pútín er annar Hitler.

Það getur verið freistandi að líkja andstæðingum eða þeim sem maður er ósammála við Hitler. En samanburði við nasisma þarf að beita af ítrustu varfærni, því yfirleitt á slíkur samanburður ekki við. Og reductio ad Hitlerum er ávallt rökvilla.

Stríð Pútíns

Athugasemdir

[Ingólfur Sigurðsson, 26.2.2022 kl. 22:57]

Tek undir þetta. Auk þess sem þetta gerir atburði seinni heimsstyrjaldarinnar að dægurmáli sem vitnað er í af léttúð, ef þessi þróun heldur áfram. Þessi líking er notuð næstum við léttvægar aðstæður líka í dægurþrasi í athugasemdakerfum DV, osfv.

Pútín getur ekki rættlætt það sem hann gerir með því að líkja Zelenski við Hitler. Hitler hefur fengið eilíft líf sem vinsæl táknmynd, næsta Grýla.

Við erum vitni að kynslóðum sem virða lítils algild sannindi.