Ekki á mannúðina logið!

Það er auðvitað afar mikilvægt að farið sé að lögum. Ekki síst þegar um skynlausar skepnur er að ræða - þá verður vitanlega að fara að dýraverndarlögum, en þau eru sett til að tryggja mannúðlega meðferð dýra. Samkvæmt lögunum felst mannúðleg meðferð þá væntanlega í eftirtöldu:

• Skjóta á fæti þau dýr sem ekki næst til.
• Hrekja fyrir björg þau sem leggja á flótta svo þau megi enda líf sitt limlest í urðinni.
• Senda afganginn í sláturhús.

Það verður seint á mannúðina logið!

Nítján kindur heimtar af Tálkna

Athugasemdir

[Nína (IP-tala skráð) 28.10.2009 kl. 15:29]

Ég er innilega sammála þér, mér findist nær að rannsaka þennan stofn, kannski eru þetta kindur sem eru með genin sem fá ekki riður eða aðra sjúkdóma. Þetta með lög eða lögleisur um fjallskilabullið þá er ekki mjög vel smalað alsstaðar. Þetta er ömuleg meðferð á dýrum.

[Inside Bilderberg (IP-tala skráð) 28.10.2009 kl. 16:17]

Frekar dapurlegt og kaldranalegt....og grunnhyggið!

[Ólafur Þórðarson, 28.10.2009 kl. 16:18]

Já góðsemdin sem býr í mannskepnunni á sér lítil takmörk. Góð færsla.