Þrettán þúsund hvali - þrettán þúsund störf!

Samkvæmt fréttum má búast við því, að verði tvö hundruð og fimmtíu hvalir veiddir hér við land á árinu, skapi það jafn mörg ný störf. Hvert starf jafngildir því að jafnaði einum hval. Nú eru þrettán þúsund manns atvinnulausir. Það gerir þrettán þúsund hvali. Nóg mun af hvölum í kringum landið. Væri þá ekki skynsamlegast að sjávarútvegsráðherra hækkaði einfaldlega kvótann í þrettán þúsund hvali og útrýmdi þar með atvinnuleysi í eitt skipti fyrir öll?

Ákvörðun um hvalveiðar stendur

Athugasemdir

[Guðmundur (IP-tala skráð) 18.2.2009 kl. 15:57]

Ertu í alvöru hagfræðingur og rekstrarráðgjafi? Eða var þessi færsla bara grín?

[Haraldur Pálsson, 18.2.2009 kl. 16:05]

haha, það er ekki svo einfalt...
Þótt það þurfi 10 manns til að búa til 100 ljósaperur þá þarf ekki 100 manns til að gera 1000.. hlutnir ganga ekki svona fyrir sig. Ef það er fjölgun í eftirspurn þá er bætt í framlegðina.

[Þorsteinn Siglaugsson, 18.2.2009 kl. 16:11]

Bið alla viðstadda að hafa í huga að það er ekki sérlega mikil alvara á bak við þessa færslu :)