Jafnast á við Monet

Um helgina birtust viðtöl í Mogganum við nokkra unglinga sem spurðir voru álits á veggjakroti. Einn þeirra lýsti yfir því, að veggjakrot væri ekki krot heldur list og enginn vafi væri á því, að margt það sem krotað er á veggi í borginni jafnaðist fyllilega á við málverk Monets.´

Þetta segir sig auðvitað alveg sjálft!

     

Monet: Vatnaliljur                    Óþekktur listamaður: Án titils

Röktu slóð krotaranna frá miðborg upp í Hlíðar

Athugasemdir

[Hlynur Hallsson, 29.4.2008 kl. 11:40]

Skemmtileg samlíking í þessum myndum hjá þér Þorsteinn. Ég held samt að ungi maðurinn sem var í viðtalinu hafi átt við Graffiti en ekki svona tagg. Stór munur þar. Boð og bönn leysa ekki þetta mál heldur á að virkja sköpunarþörf unga fólksins á jákvæðan hátt og þá verðum við að mestu laus við krotið. Bestu kveðjur,

[Þorsteinn Siglaugsson, 29.4.2008 kl. 15:05]

Þetta er falleg hugsun, Hlynur, en afskaplega barnaleg.

Krot á borð við það sem myndin sýnir hefur held ég ákaflega lítið með listhneigð að gera og ég efast um að myndlistarnámskeið vekti mikinn áhuga hjá gerandanum.

Snýst ekki málið frekar um að reyna að innprenta þessum greyum einhverjar grunnhugmyndir um það hvernig maður kemur fram við annað fólk almennt, þ.m.t. hvernig maður umgengst eigur annarra?

[Jón Aðalsteinn Jónsson, 29.4.2008 kl. 15:41]

Hallast nú aðeins að Hlyn í þessu  að kannski gæti jákvæðni og tilsögn reddað þessu en það má nú alveg prófa að gasa nokkura og sjá hvernig tiltekkst.  Innprentun og afl reynist svo vel í uppeldi eins og kom í ljós í Breiðuvík