Að skjóta sig í fótinn

Ég held að skipulögð mótmæli á vegum minnihlutaflokkanna í borgarstjórn hafi gengið fram af mörgum. Ekki síður en rógsherferð sömu aðila á hendur Ólafi F. Magnússyni, sem er einn vandaðasti maður sem nú er að finna í íslenskum stjórnmálum.

Það er einfaldlega til skammar að smala menntskælingum á áhorfendapalla og láta þá gera hróp að fólki, sér í lagi þegar lætin eru ekki einu sinni í tilefni af einhverju mikilvægu málefni, heldur eiga sér aðeins rót í svekkelsi tiltekins fólks yfir því að missa völdin.

Ég yrði ekki hissa þótt það kæmi á daginn fljótlega að þetta upphlaup hafi fremur styrkt nýja meirihlutann en hitt.

Hávær mótmæli í Ráðhúsinu

Athugasemdir

[Sturla Snorrason, 24.1.2008 kl. 23:25]

Mér líst vel á Óla, það er mikið í hann spunnið og hann á eftir að gera góða hluti, vonandi fær hann vinnufrið fyrir þessum skríl.

[Gunnar Th. Gunnarsson, 24.1.2008 kl. 23:26]

100% sammála þér Þorsteinn.... og það gerist nú ekki oft !

[Þorsteinn Valur Baldvinsson, 25.1.2008 kl. 11:21]

Vonandi var þetta ekki 100% smölun og vonandi á þetta eftir að aukast, Íslenskir stjórnmálamenn hafa komist upp með ótrúlega hegðan, og þráláta setu í embættum, án nokkrar ábyrgðar á gjörðum sýnum.

Vona að unga kynslóðin hristi þjóðina aðeins, svo hún vakni og fari að láta heyra í sér en ekki bara tuða út í horni.

[Sindri Guðjónsson, 26.1.2008 kl. 21:04]

Sammála þér Þorsteinn.