Taka verður greinum á vísindavef með fyrirvara

Meira og minna allar þær aukaverkanir sem hér er lýst eru þekktar aukaverkanir annarra veirusýkinga svo sem inflúensu. Þetta sýnir fjöldi rannsókna. 

Í þessari grein á Vísindavef HÍ er hins vegar fjallað um efnið eins og hér sé um að ræða einkenni sem séu sérstök fyrir Covid-19. Ekkert er minnst á að þessi einkenni eiga einnig við inflúensu og aðrar veirusýkingar. Svo dregur fólk auðvitað ályktanir í samræmi við það.

Ég hvet fólk til að varast að taka mark á greinum eftir Jón Magnús Jóhannesson deildarlækni á Vísindavef HÍ. Þetta er ekki eina dæmið um grein eftir þennan mann sem inniheldur rangfærslur.

Og svo virðist raunar sem ritstjórn Vísindavefs HÍ sé með þeim hætti að ekki er hægt að treysta því að það sem þar er staðhæft, almennt talað, sé rétt.

Ég legg því til að áður en lagður er trúnaður á það sem birtist á þessum vef skoði fólk fyrst höfundinn, t.d. á Google Scholar, til að komast að því hvort hann sé trúverðugur. Því ritstjórnarlega ábyrgðin virðist ekki liggja hjá Háskólanum heldur einungis hjá hverjum greinarhöfundi fyrir sig. Eftir þennan höfund er engar vísindagreinar að finna á Google Scholar.

Það er slæmt að þessir alvarlegu hnökrar á ritstjórn Vísindavefs HÍ séu nú að koma í ljós, því fram til þessa hafði maður ekki sérstakar efasemdir um að þar væri vandað til verka.

Það er hins vegar líka hægt að finna góðar greinar á þessum vef. Hér er til dæmis mjög áhugaverð grein um bóluefni, skyldulesning fyrir alla sem halda að það sé alveg að fara að detta í hús. Þessi grein er eftir Valgerði Andrésdóttur. Nafn hennar skilar 150 niðurstöðum á Google Scholar, sem er sterk vísbending um að Valgerður sé alvöru fræðimaður.

 

Getur haft alvarleg áhrif á heila

Athugasemdir

[Jón Þórhallsson, 27.10.2020 kl. 13:43]

Nú væri fróðlegt að vita hvort að allt fólk með Dr.gráður

geti gengið í takt þegar að það kemur að covid og 5G-símkerfinu?

 

https://lbry.tv/@weareresistance:9/Dr-Christiane-Nortdrone-shares-her-findings-on-why-vaccines-and-5G-are-dangerous:5?fbclid=IwAR0uE7Vywz93wO6rOTOqSxVMLK5e3LxksU0QjVeQzxVA3JBUTIDW1c3Vq-s

[Ragnhildur Kolka, 27.10.2020 kl. 14:55]

Vegna þeirrar leyndar sem hvílir yfir meðferð Covid-greindra sendi ég fyrirspurn á Vísindavefinn fyrir u.þ.b 3 vikum síðan. Fyrirspurnin hljóðaði upp á - hvaða meðhöndlun fólk í áhættuhópum gæti búist við að fá þegar það greinist? Engin svör hafa borist.

Það er hægt að gera ýmislegt sem fyrsta viðbragð eins og gert er víða erlendis. Fyrir ungt og hraust fólk sem veikist hastarlega gæti kannski lítil Asperíntafla verið til bóta og komið í veg fyrir blóðtappa til heilans. En kannski líta læknar hér á að aðeins State-of-the-Art lyf og intuberingar séu læknisfræði allt annað sé bara kukl. 

það er það sem maður fær á tilfinninguna. Ég viðurkenni hins vegar að ég þekki engan sem veikst hefur af Covid og getur gefið first-hand upplýsingar um málið. Við getum þó verið þakklát fyrir internetið, þótt maður þurfi auðvitað að vera vakandi fyrir öllu því rugli sem þar blómstrar.

[Þorsteinn Siglaugsson, 27.10.2020 kl. 15:30]

Það verður flutt út á land Ragnhildur. Þeir þorðu ekki að segja það, en nú er þetta komið í ljós 

[Ragnhildur Kolka, 27.10.2020 kl. 15:38]

Til að gæta jafnræðis má benda þeim á að Austurland er enn Covid frítt.

[Þorsteinn Siglaugsson, 27.10.2020 kl. 17:20]

Já, það verður að bæta úr því. Viss um að Ómar Geirsson verður í móttökunefndinni og faðmar aðkomumennina að sér.

[Ingibjörg Ingadóttir (IP-tala skráð) 29.10.2020 kl. 00:26]

Vísindavefurinn er 20 ára, og þar eru enn inni upplýsingar sem nú eru úreltar, þótt e-ð hafi líklega verið grisjað. T.d. segir þar að Homo Sapiens hafi ekki blandast Neanderdalsmanninum, en nú hefur verið sannað að einmitt það gerðist. Og það þurfti ekki að lesa vísindatímarit til að frétta þetta, ég las það í TIME 2010/11.