Þóra Kristín Ásgeirsdóttir

Þóra Kristín Ásgeirsdóttir er "blaðamaður" á vefmiðlinum Stundinni. Fyrir fáeinum dögum birti þessi manneskja grein um fólkið, sem rekið var frá Eflingu, með aðferðum sem minna helst á framkomu 19. aldar kapítalista við starfsfólk, sem var uppfull af óhróðri og aðdróttunum. Greinilegt var að tilgangurinn hennar var að styðja vini sína í Sósíalistaflokknum í herferð þeirra gegn þessum starfsmönnum. Megininntak greinarinnar var að reyna að tengja fyrrum skrifstofustjóra félagsins við vafasama framgöngu fjárfestingafélagsins Gamma. Raunveruleikinn var sá að Efling hafði fjárfest í einhverjum ríkisskuldabréfasjóðum sem reknir eru af Gamma, líkt og hundruð félaga og fyrirtækja gera. Og þessar fjárfestingar voru vitanlega ekki á ábyrgð skrifstofustjórans heldur stjórnar félagsins. Og staðhæfingar Þóru Kristínar Ásgeirsdóttur um að þarna hefði verið um áhættufjárfestingar að ræða, að með þeim væri verið að styðja við eitthvað meint vafasamt framferði einhverra starfmanna Gamma og þar fram eftir götunum, þetta voru auðvitað hreinar lygar. Og alveg örugglega vísvitandi lygar.

Jafnframt var Þóra Kristín Ásgeirsdóttir nógu smekkleg til að ljúga upp á þetta fólk einhverjum óhóflegum kröfugerðum varðandi starfslok þess. En eins og fram kemur í Morgunblaðsgrein skrifstofustjórans er þar ekkert sannleikskorn að finna.

Það er ömurlegt að sjá framgöngu þess óhrjálega söfnuðar sem rænt hefur völdum í Eflingu og enn dapurlegra að sjá blaðamennskuhugtakið dregið í svaðið af einstaklingi sem bersýnilega hefur enga sómakennd.

Enginn „feitur“ starfslokasamningur