Verðtryggð langtímalán eða eiginfjárlán?

Það er hárrétt hjá Gylfa að það er heimskulegt að banna verðtryggð lán til 40 ára. Og hvaða vegferð eru menn á ef þeir ætla annars vegar að banna þessi lán, sem hafa hingað til auðveldað fólki að komast í eigið húsnæði, en um leið að taka upp svonefnd eiginfjárlán, sem virka eiginlega á nákvæmlega sama hátt - þau auðvelda fólki að komast í eigið húsnæði, en það eignast sáralítið í því?

Hvað vextina varðar er málið hins vegar flóknara en Gylfi vill vera láta. Vitanlega eru heimilin bæði lántakarnir og lánveitendurnir. En þetta eru ekki sömu heimilin. Yngra fólk hefur meiri hag af lægri vöxtum því það er að fjárfesta í húsnæði og taka til þess lán, en eldra fólkið hefur meiri hag af hærri vöxtum því það hefur oft greitt upp lánin. Þarna þarf að vera jafnvægi á milli.

„Satt best að segja snargalið“

Athugasemdir

[Öreigur í Hruna (IP-tala skráð) 7.4.2019 kl. 12:57]

Gylfaginning?

https://www.mbl.is/greinasafn/grein/1364506/

[Guðmundur Ásgeirsson, 7.4.2019 kl. 14:24]

Verðtryggð jafngreiðslulán til neytenda eru eitraður kokteill. Það er ekki heimska að banna eitraða kokteila heldur heimska að leyfa þá.

Löng verðtryggð lán hjálpa engum að komast í eigið húsnæði heldur tryggja þau þvert á móti að sá sem skuldar eignist ekkert í húsnæðinu þó hann borgi af láninu.

Eina leiðin til að eignast eitthvað í húsnæði sem á hvílir verðtryggt lán er að borga það niður miklu hraðar en samkvæmt skilmálum þess. Til eru lán á Íslandi sem hafa þennan eiginleika innbyggðan í útfærsluna. Einhverra hluta vegna eru þau kölluð óverðtryggð, þó að í sömu andrá sé eini munurinn sagður sá að í þeim séu verðbótaþátturinn staðgreiddur. Sem er alveg rétt vegna þess að á meðan verðtryggð lán eru í boði mynda þau gólf undir alla vaxtamyndun. Þess vegna þarf að afnema verðtryggingu, ekki bara til að losna við hana heldur líka til að lækka vexti og skapa forsendur fyrir lánakerfi sem er raunverulega óverðtryggt, þar sem áhættan deilist á milli aðila en er ekki öll lögð einhliða á aðra hlið samningssambandsins.