Mótsagnakennt - en hún er ekki ein um það

Biskup segist styðja það að konur taki sjálfar ákvörðun um fóstureyðingu.

Jafnframt segir biskup að fóstur kunni að hafa rétt til lífs.

En þarna verður ekki bæði sleppt og haldið:

Sé rétturinn til lífs til staðar, þá er fóstureyðingin alveg sambærileg við manndráp. En telur biskup að það eigi að vera hverjum og einum í sjálfsvald sett að drepa fólk? Ég efast um það.

Sé rétturinn til lífs hins vegar ekki til staðar er auðvitað engin ástæða til að setja neinar takmarkanir.

Biskup segir að lokum að breytingarnar sem lagðar eru til í frumvarpinu séu til þess fallnar að vekja upp grundvallarspurningar í huga fólks. Henni virðist þykja það neikvætt að fólk velti fyrir sér grundvallarspurningum. Hún vill fremur að þær gleymist. Það finnst mér mjög athyglivert.

 

Biskup gagnrýnir frumvarp um þungunarrof

Athugasemdir

[Jón Valur Jensson, 26.1.2019 kl. 13:55]

Laukrétt hjá þér, Þorsteinn, og þetta er einmitt það sem ég var byrjaður að skrifa í bloggi mínu um sömu frétt, að það eru æpandi mótsagnir í þessu áliti Agnesar, og sem slíkt stenzt það vitaskuld ekki skoðun, þ.e.a.s. rannsókn skynseminnar. (Nánar hjá mér.)