Merkileg stærðfræði

Pawel Bartoszek er stærðfræðingur og áður en hann gerðist liðsmaður í stjórnmálavafstri skrifaði hann oft skynsamlega í blöðin. En nú er stærðfræðin tekin að bögglast fyrir honum held ég. Hvernig greiðir það annars fyrir umferð að gangandi vegfarendur þurfi að bíða í tvær mínútur eftir grænu ljósi? Jú, umferðin streymir vissulega framhjá meðan beðið er. En það er ekki endir málsins. Því miður virðist Pawel ekki hafa áttað sig á að umferðin stoppar nefnilega jafn lengi og áður þegar græni kallinn kemur, bara tveimur mínútum fyrr. Og hvernig greiðir það fyrir bílaumferð?

„Ljósin stillt í þágu fólks“

Athugasemdir

[Einar Karl, 13.5.2018 kl. 15:03]

Það sem Pawel væntanlega var að vísa til er að það gat verið allt að 2 mínútna bið fyrir gangandi. Auðvitað var það ekki þannig að það hafi ALLTAF verið nákvæmlega 2 mínútna bið, það hefði ekki meikað sens, eins og þú bendir á.

[Þorsteinn Siglaugsson, 13.5.2018 kl. 16:01]

Já, hann segir að það greiði fyrir bílaumferð ef gangandi þurfa að bíða. En það er auðvitað rugl. Þegar kviknar á gönguljósunum þurfa bílar að nema staðar, sama hvort það er tveimur mínútum fyrr eða seinna. 

[Birgir Gudjonsson (IP-tala skráð) 14.5.2018 kl. 13:09]

Af hverju ekki að byggja önnur undirböng þarna, eða beina umferð gangandi fólk í hin undirböngin...200 m frá ljósunum. ÞAÐ myndi leysa þennan hnút þarna, og gangandi fólk fengi lengri göngutúr, sem er jú betra !

[Þorsteinn Siglaugsson, 14.5.2018 kl. 13:24]

Ég held reyndar að það sem Vigdís var að tala um sé að setja almennilega stýringu á umferðarljósin yfir höfuð þannig að fólk þurfi ekki að bíða að óþörfu. Það á bæði við um gangandi og akandi. Auðvitað er engin ástæða til að gangandi vegfarendur þurfi að bíða í tvær mínútur eftir að komast yfir götu. En það er heldur engin hemja að þurfa t.d. að stöðva á rauðu ljósi út um allan bæ þegar engin umferð er.