Breikkun Miklubrautar?

Þessi fyrirsögn er villandi. Það er ekki verið að breikka götuna, sem sannarlega væri ekki vanþörf á, heldur að bæta við hjólastígum og gangstéttum. Auk þess er verið að tefja enn frekar fyrir umferð, og ekki á það bætandi, með því að hindra að hægt sé að komast inn í Hlíðahverfi gegnum Reykjahlíð.

Það kemur ekki á óvart að núverandi meirihluti standi að slíku. En ég hef tvær spurningar:

1. Hvers vegna setur Morgunblaðið þetta fram með rangri fyrirsögn.

2. Hver er skoðun minnihlutans á þessu máli?

Breikkun Miklubrautar að hefjast

Athugasemdir

[Tryggvi Helgason, 4.5.2017 kl. 16:48]

Enn ein ástæða fyrir Reykvíkinga, til þess að kjósa nýtt fólk til þessað stjórna bæjarfélaginu, - og hreinsa burtu alla þá sem fyrir eru. Og tækifærið kemur á næsta ári. Ef þeim tekst það, þá eru ærin verkefni framundan, ... og fyrirtækin með jarðýtur munu blómstra og græða peninga sem aldrei fyrr, ... eða þannig !

[Þorsteinn Siglaugsson, 4.5.2017 kl. 19:08]

Já, svo sannarlega vantar nýtt fólk. Meirihlutinn í ruglinu og minnihlutinn í felum.

[Sigurður M Grétarsson, 5.5.2017 kl. 11:05]

Þarna er verið að setja strætórein sem mikil þörf er á enda tefjast vagnar oft þarna á annaríma. Síðan er verið að bæta hljóðvist og aðskilja hjólandi og gangandi umferð sem er gerð mikil krafa til að hálfu gangandi vegfarenda. Vilt þú heldur að menn hjóli á Miklubrautinni? Það verða alltaf tímabundnar umferðatafir meðan framkvæmdir fara fram en eftir það verða menn allavega lausir við strætó af þeim akreinum sem nú eru fyrir sem ætti að stytta umferðaraðir sem því nemur.

[Þorsteinn Siglaugsson, 7.5.2017 kl. 21:10]

Meginvandamálið við þennan kafla Miklubrautar er að þar eru aðeins tvær akreinar í hvora átt. Þetta vandamál þekkja allir sem þurfa að fara þessa leið eftir kl. 15 á daginn og fram til kl. 18.

Það dapurlega er að það er nóg pláss þarna til að bæta þriðju akreininni við. Enn dapurlegra er að ástæðan fyrir því að þetta er ekki gert er sú ein að yfir skipulagsmál í Reykjavík hefur verið settur einstaklingur sem er blindaður af ofstækisfullu hatri í garð þeirra 90% borgarbúa sem fara ferða sinna á bifreiðum.

[Sigurður M Grétarsson, 7.5.2017 kl. 21:43]

Stærsta vandamálið við þennan kafla Miklubrautar er að þar eru allt of margir bílar. Þeir valda mengun, hávaða, slysum og eru neikvæðir fyrir lýðgheilsu. Það síðasta sem þarna vantar eru þvi fleiri akreinar fyrir bíla. Það sem þarna vantar er aukin hvatning til annarra samgöngumáta og það er það sem verið er að gera  með þessum beytingum.

[Sigurður M Grétarsson, 8.5.2017 kl. 15:21]

Það eru umferðaljósin við Lönguhlíð sem eru flöskuhálsin og það er ekki pláss til að auka afkastegetu þeirra. Það lagast því ekkert við að breikka veginn á þessum kafla. Þar að auki er allt of mikil bílaumferð þarna sem skapar lakari lífsgæði fyrir þá sem búa þarna í nágrenninu. Vandamálið er því ekki það að það vanti fleiri akreinar fyrir bíla þarna heldur sú staðreynd að hátt í 90% ferða í borginni eru í einkabílum. Það að bæta aðstöðu fyrir strætó og hjólreiðamenn þarna er því partur af lausninni á því vandamáli.

Það hefur sýnt sig erlendis að það að bæta við akreinum til að minnka umferðatafir gerir það bara í smá tíma því það hvetur til meiri bílaaksturs þannig að fljótlega verða umferðatafir á fleiri akreinum alveg þær sömu og var áður. Sérfræðingar í samgöngumálum í þéttbýli hafa líkt þeirri "lausn" að fjölga bara akreinum við offitusjúkling sem telur það "lausn" á sínum vanda í hvert sinn sem beltið þrengist að bæta bara við gati á beltið. Það eina sem það gerir er að gera vandann bærilegri í smá tíma en leysir hann ekki. Það sama á við um þá "lausn" að fjölga bara akreinum í þéttbýli þegar vandamálið er of margir bílar en ekki of þröngar götur.

[Þorsteinn Siglaugsson, 11.5.2017 kl. 23:13]

Þegar fólki fjölgar eykst umferð. Fólk ferðast með bílum. Hlutfall einkabíla í umferðinni er ekkert að breytast. Það ferðast enginn með strætisvögnum í Reykjavík nema börn og gamalmenni, til þess er borgin allt of dreifð, og hjólreiðar eru einfaldlega ekki praktísk leið til að komast á milli staða þar sem veðurfar er eins og það er hér. Auk þess er ekki langt í að sjálfkeyrandi einkabílar taki við í miklum mæli. Menn verða einfaldlega að horfast í augu við staðreyndir.