Furðuumræða um ekki-frétt

Hvaða máli skiptir það eiginlega hvort þessi ágæta skýrsla kom út fyrir eða eftir kosningar?

Í henni stendur vitanlega ekki annað en það sem allir máttu vita fyrir: Þegar verðtryggðar húsnæðisskuldir voru lækkaðar hlutfallslega lækkuðu þær mest hjá þeim sem mest skulduðu og eðlilega var það tekjuhæsti hópurinn, sem fjárfest hafði í dýrasta húsnæðinu.

Stjórnarandstæðingar hafa í sjálfu sér litla ástæðu til að bölsótast yfir því að skýrslan hafi ekki komið út fyrir kosningar. Það vissu allir hvernig þessi "leiðrétting" virkaði og ekki man ég nú betur en að vinstrimenn hafi einmitt hamrað á því í kosningabaráttunni.

Hver er þá fréttin?

Skýrslan var tilbúin fyrir kosningar