Niðurskurður er sársaukafullur, en nauðsynlegur

Þegar ríkissjóður er kominn á hausinn er ekki um annað að ræða en skera niður. Peningarnir eru ekki til. Meginatriðið þegar kemur að niðurskurði er að þjónusta skerðist sem minnst. Með því er átt við að ef fólk þarf á spítala komist það á spítala. Það er grunnkrafan. Hverjum spítala fylgir viss yfirbygging og hlutfallslegur kostnaður við hana minnkar með aukinni stærð upp að vissu marki. Það kallar á sameiningu stofnana í færri og stærri. Á móti kemur að landfræðilegar aðstæður geta gert nauðsynlegt að veita ákveðna þjónustu í heimabyggð. Ef þetta tvennt er haft til hliðsjónar er hægt að hagræða skynsamlega..

Það er vitanlega sársaukafullt þegar leggja þarf niður stofnanir og segja upp fólki. En það má ekki gleymast að almannaþjónustan er til vegna þeirra sem nota hana, ekki vegna þeirra sem vinna við hana.

„Fólk fór að gráta“

Athugasemdir

[Kristinn (IP-tala skráð) 7.10.2010 kl. 17:09]

Það er samt sem áður svo að það er hægt að forgangsraða.   Það er td. ótrúlegt að henda eigi hundruð milljónum í fjölmiðlalöggu VG t.d. og skera niður í heilbrigðis og menntakerfi.  Stjórna þurfa að sýna aðeins meiri ábyrgð og á réttan hátt en ekki eftir þeirra eigin hagsmunum.

Þess vegna mætir fólk á Austurvölll

[Þorsteinn Siglaugsson, 7.10.2010 kl. 17:38]

Gæti ekki verið meira sammála. Auðvitað á að byrja á að skera burt nýjar stofnanir. Það missir þá amk. enginn vinnuna þar.

[Sveinn (IP-tala skráð) 7.10.2010 kl. 17:39]

Við verðum samt að skilja að þetta er bara byrjunin. Ástandi á enn eftir að stórversna í þjóðfélaginu. Ef fólk heldur að þetta sé það versta þá er enn góðæri miðað við það. Sama hverjir eru við stjórvölinn þá er ástandið orðið óviðráðanlegt. Eini möguleiki fólks er að reyna að flytja frá landinu áður það verður of seint.

[Kristinn (IP-tala skráð) 7.10.2010 kl. 21:55]

Ég er nú ekki sammaál því að það sé sama hverjir stjórna en svo má deila um hver það á að vera.

 En það er alveg ljóst að á meðan VG er í stjórn þá blæðir landinu.  Þeir munu standa í vegi fyrir öllum stórframkvæmdum sem koma upp á borðið í nafni hugsjóna og svífast einskis til að drepa þær niður.  Þeir hafa sýnt það og munu sýna það aftur.   

[Þorsteinn Siglaugsson, 8.10.2010 kl. 00:07]

Það er nú fleira sem hamlar stórframkvæmdum en VG. Lítum á Helguvík. OR fær ekki lán og getur því ekki framkvæmt, jafnvel vafi um endurfjármögnun núverandi lána. LV fær ekki lán í Búðarháls (og þótt sagt sé að það sé vegna Icesave er ástæðan örugglega frekar sú að bankar sjá að þessi framkvæmd getur aldrei staðið undir sér. Magma búið að kaupa HS og Ross Beaty er ekki að því til að tapa á að selja orkuna á spottprís til Norðuráls. Þess utan leyfir Orkustofnun ekki frekari virkjanir á Reykjanesi.  Skattapólitíkin er svo annað mál. Þar má vissulega skamma VG.

En aðalatriðið er þetta: Landið er á hausnum. Það eru engar töfralausnir. 2007 er ekkert að koma aftur og við verðum einfaldlega að taka því. Ráðdeild, nægjusemi og raunsæi eru slagorðin sem ættu að vera á allra vörum núna, ekki þvaðrið sem kom út úr þessum svokallaða þjóðfundi í fyrra.

[Kristinn (IP-tala skráð) 8.10.2010 kl. 08:24]

Hvað með Álverið á Bakka, hvað með Búðarhálsvirkjun, ölöglega ákvörðun Svandísar þar og svo þá ákvörðun hennar um að áfrýja dómi til Hæstarréttar þrátt fyrir að búið sé að taka af allan vafa í lögunum með nýlegri lagabreytingu að þriðji aðli megi borga fyrir skipulagsvinnu. 

Ég veit reyndar að það var Þórunn sem hóf hryðjuverkin gangvart Norðlendingum en hún tilheyrir græningjaarmi S.   Og það er óþolandi að framtíð fólks og afkoma sé notuð sem skiptimynt í pólitískum hrásknnnsleik S og VG

Helguvíkurverkefnið fór náttúrulega vitlaust af stað enda töldu suðunesjamenns sig vera að lenda undir í samkeppni um orkuna og því var þotið af stað á þess að búið væri að ganga frá lausum endum.  

[Þorgeir Ragnarsson (IP-tala skráð) 8.10.2010 kl. 10:51]

Kristinn, taktu til þín orð Þorsteins hér að ofan um raunsæi.

Árni Sig. og co fóru af stað með Helguvíkurverkefnið án þess að hugsa það til enda. Maðurinn er eyðslusjúkur skuldaseggur sem ætti ekki að fá að koma með puttana neinsstaðar nálægt opinberum rekstri. Skref númer eitt hjá íbúum Reykjanesbæjar á að vera að kjósa hann ekki aftur í næstu kosningum.

[Kristinn (IP-tala skráð) 8.10.2010 kl. 16:19]

Þú fyrirgefur Þorgeir en ég bara skil engan vegin hvað þú átt við, lestu skrifin hér ofan áður en þú commentar

[Þorsteinn Siglaugsson, 11.10.2010 kl. 10:47]

Árni ber nú kannski ekki einn ábyrgð á þessu. Það er samt ábyrgðarhluti að grundvalla fjárhagsáætlun á verkefni sem allir vita að verulegur vafi er á að komist af stað. En þetta virðast stjórnvöld því miður vera að gera núna með fjárlögin. Fyrir fáeinum árum reyndu menn nú að hafa sæmilega vissu á bak við hagspárnar. Það er liðin tíð.