Innri leiga

Samkvæmt fréttinni felst meginhluti sparnaðar vegna sameiningar þessara skóla í lækkun "innri leigu". Hvað er innri leiga? Jú, það er þegar ein deild eða svið greiðir annarri deild eða sviði leigu. En hver eru áhrifin á rekstrarkostnað borgarinnar? Hverfur húsnæði Kelduskóla við breytinguna? Nei, það hverfur vitanlega ekki. Sparnaðaraðgerðin virðist því fyrst og fremst gerð í þeim tilgangi að færa peninga úr einum vasa í annan. Kostnaður eins sviðs lækkar, en kostnaður annars sviðs hækkar um svipaða upphæð. Hver er ávinningur borgarinnar af þessari talnaleikfimi? Hann er væntanlega lítill sem enginn.

Þetta er svo sannarlega ekkert einsdæmi og það er ekki bara Reykjavíkurborg sem stendur í sparnaðaraðgerðum sem grundvallast á svona hugsunarvillum. Það sem orsakar er vöntun á heildrænni hugsun; í stað þess að horfa á hvaða áhrif aðgerðin hefur á kerfið í heild er matið unnið út frá stökum deildum eða sviðum, án neins tillits til þess hver áhrifin verða annars staðar í kerfinu. Sorglegt en satt.

Engum sagt upp vegna sameininga