22.4.2019 | 10:09
Aukinn launakostnaður þýðir hærra verð
Þegar launakostnaður eykst mikið hlýtur vöruverð að hækka. Hvort það gerist fyrr eða seinna skal ósagt látið, en á endanum verður það niðurstaðan.
Það þýðir einfaldlega ekkert að loka augunum fyrir þessum áhrifum.
Ef semja á þannig að launabreytingar fari ekki út í verðlag þarf að semja um mjög hóflegar launahækkanir. Hóflegar eru hækkanir sem hafa lítil áhrif á rekstur fyrirtækja. Þessar hækkanir eru ekki hóflegar. Það að bera niðurstöðuna saman við upphaflegu kröfurnar er alveg merkingarlaust: Hækkanirnar hafa umtalsverð áhrif á launakostnað fyrirtækja í matvælaframleiðslu. Því leiða þær til verðhækkana.
Mjög hættulegur leikur hjá fyrirtækjum | |
Tilkynna um óviðeigandi tengingu við frétt |
18.4.2019 | 20:13
Það er sniðugt að læra smá ensku áður en maður fer að þýða fréttir
"Það er í Kína sem flestur aspas er ræktaður"
"Aspas er úr plöntufjölskyldu sem útskýrir kannski útlitið."
Og ekkert meira um það. Ef maður kemur úr plöntufjölskyldu lítur maður út eins og aspas. Mikið er ég feginn að vera ekki úr plöntufjölskyldu. Þetta er nógu slæmt samt.
"Grænn aspas er í raun hvítur aspas sem hefur litast af sólinni."
Það er reyndar öfugt. Grænn aspas er eðlileg planta, þeim hvíta er haldið frá sólarljósi.
Og málfræði og stafsetningu kannski líka:
"Þar fyrir utan eru nokkrar skemmtilegar og skrítnar staðreyndir um stönglana að finna"
"Ár hvert er haldin aspashátið þar sem meðal annars ný aspasdrotning er krýnd"
Sex atriði sem þú vissir ekki um aspas | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 21:59 | Slóð | Facebook | Athugasemdir (0)
18.4.2019 | 11:00
Þriðji orkupakkinn!
Þarna voru á ferð tveir hlustendur Útvarps Sögu. Bardaginn upphófst þegar öðrum virtist, í séníverrúsi sínu, hinn vera þriðji orkupakkinn í mannslíki.
Handalögmál vegna starfa bingóstjóra | |
Tilkynna um óviðeigandi tengingu við frétt |
17.4.2019 | 14:34
Fullveldismál?
Það hlýtur auðvitað að vera spurning um fullveldi þjóðarinnar að landsmenn fái ekki að kaupa útlendar kartöflur. Íslenskar skulu þeir éta. Jafnvel þótt þær séu rotnar og myglaðar, eða einfaldlega ekki til staðar.
Menn verða nú að fórna einhverju fyrir fullveldið!
Kartöfluskorti ekki mætt með tollalækkun | |
Tilkynna um óviðeigandi tengingu við frétt |
10.4.2019 | 19:23
Hvað með að afglæpavæða bara alla glæpi?
Oft er talað um að fólk, aðallega kvenfólk, "lendi í" vændi, en án þess að ætla í raun og veru að starfa við það. Og það er búið að afglæpavæða það (nema gagnvart þeim sem "lenda í" að kaupa vændi reyndar).
Það er líka gjarna talað um að fólk "lendi í" fíkniefnaneyslu án þess að ætla það sjálft. Svo "lendir" það gjarna í fíkniefnasölu í kjölfarið. Þaðan er reyndar leiðin ekki löng yfir í að "lenda í" þjófnaði, þaðan í ránum, líkamsárásum og jafnvel einhverju verra. En allt leiðir þetta auðvitað af því að viðkomandi "lenti í" fíkniefnum í upphafi.
Og þá er nú varla sanngjarnt annað en að afglæpavæða líka glæpina sem eru svo augljóslega afleiðing af fíkniefnaneyslunni, eða hvað?
Sumir "lenda" svo auðvitað í glæpum án þess að hafa fyrst lent í fíkniefnum, en þá er átt við að þeir hefji störf við glæpastarfsemi án þess að ætla að sjálfir. Stundum vegna heimsku, stundum vegna þess að þeir eru bara glæpahneigðir, og hver getur í sjálfu sér gert við því?
Já, það er margt í mörgu og á ýmsum stöðum liggur hundurinn grafinn.
Fangelsi eins og glæpamannaskóli | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 19:32 | Slóð | Facebook | Athugasemdir (0)
7.4.2019 | 12:12
Verðtryggð langtímalán eða eiginfjárlán?
Það er hárrétt hjá Gylfa að það er heimskulegt að banna verðtryggð lán til 40 ára. Og hvaða vegferð eru menn á ef þeir ætla annars vegar að banna þessi lán, sem hafa hingað til auðveldað fólki að komast í eigið húsnæði, en um leið að taka upp svonefnd eiginfjárlán, sem virka eiginlega á nákvæmlega sama hátt - þau auðvelda fólki að komast í eigið húsnæði, en það eignast sáralítið í því?
Hvað vextina varðar er málið hins vegar flóknara en Gylfi vill vera láta. Vitanlega eru heimilin bæði lántakarnir og lánveitendurnir. En þetta eru ekki sömu heimilin. Yngra fólk hefur meiri hag af lægri vöxtum því það er að fjárfesta í húsnæði og taka til þess lán, en eldra fólkið hefur meiri hag af hærri vöxtum því það hefur oft greitt upp lánin. Þarna þarf að vera jafnvægi á milli.
Satt best að segja snargalið | |
Tilkynna um óviðeigandi tengingu við frétt |
7.4.2019 | 11:58
Hvað getum við gert?
Það sem nú er að gerast í Brúnei á sér sömu rætur og sá vöxtur öfgahyggju til hægri og sósíalisma til vinstri sem við sjáum á vesturlöndum. Það á sér líka sömu rætur og uppgangur öfgakenninga íslamista í öðrum múslimskum löndum. Rótin að því að vilja grýta nágranna sína og vini til bana vegna samkynhneigðar er heimska og hatur, með nákvæmlega sama hætti og rót hvítrar þjóðernisstefnu er heimska og hatur.
Það að sniðganga lúxushótel soldánsins sendir vissulega skilaboð, en er ólíklegt til að breyta miklu sem slíkt. En þessi sniðganga er samt mikilvæg, því það skiptir máli að bregðast við uppgangi öfga og haturs á sýnilegan hátt. En hvað fleira er hægt að gera?
Að vera grýttur til bana | |
Tilkynna um óviðeigandi tengingu við frétt |
5.4.2019 | 12:22
Hvað þýða eiginfjárlán í raun?
Hvað þýða svonefnd eiginfjárlán í raun?
1. Í stað þess að kaupandinn eignist húsnæðið er það í raun ríkið sem eignast það.
2. Lánið auðveldar kaupandanum að "kaupa" fyrstu eign, en þegar hann þarf að stækka við sig lendir hann í klemmu, því það eigið fé, sem annars hefði verið til staðar, er ekki fyrir hendi. Ríkið á það.
Með þessu verður ungt fólk og tekjulágt leiguliðar ríkisins og vandinn er ekki leystur heldur er verið að velta honum á undan sér.
Skattfé almennings er bundið í fasteignabraski ríkisvaldsins, sem kann ekki góðri lukku að stýra.
Að lokum munu þessar tillögur aðeins ýta undir frekari hækkanir húsnæðisverðs.
------------------
Hvernig stendur á því að stjórnvöldum hugkvæmist aldrei að reyna fyrst að átta sig á orsök stöðunnar sem er uppi áður en vaðið er af stað með einhverjar mismunandi vitlausar tillögur til að leysa úr henni?
14 tillögur fyrir ungt fólk og tekjulága | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 12:30 | Slóð | Facebook | Athugasemdir (0)
5.4.2019 | 09:17
Þegar ranghugmyndir skerða kjör almennings
Lækkunin á húsi sósíalistaforingjans er vitanlega tilkomin vegna þess að þrýstingur á fasteignaverð er nú niður á við, ekki upp á við.
Ýmsir verkalýðsleiðtogar - Gunnar Smári og fylgihnettir hans í Eflingu eru þó ekki þeirra á meðal - hafa lengi þvaðrað mikið um að með því að taka húsnæðiskostnað út úr neysluverðsvísitölu muni verðbætur lækka.
Þetta er tóm firra. Vitanlega hefur húsnæðiskostnaður áhrif upp á við þegar húsnæðisverð fer hækkandi umfram almennt verðlag. En þegar það stendur í stað eða lækkar hefur það auðvitað áhrif í hina áttina. Til lengri tíma eru áhrifin hvorki til hækkunar né lækkunar.
Undanfarin ár hafa áhrifin verið til hækkunar á vísitölu. En á næstu 2-4 árum ber spám saman um að verð muni líklega lækka að raunvirði.
Það er því einkennileg tímasetning að ætla að taka húsnæðisþáttinn út úr vísitölunni akkúrat núna. Það mun leiða til þess að kostnaður heimilanna vegna verðtryggingar verður meiri en ella. Jafnframt mun vísitalan sveiflast meira, sem eykur á óvissu fólks um eigin fjárhagslega stöðu.
Þeir sem nú hafa náð að troða eigin ranghugmyndum inn í kjarasamninga munu kannski læra af þessu á endanum (eða kannski ekki). En það skýtur skökku við að sá lærdómur verði á kostnað skuldsettra heimila.
Gunnar Smári lækkar verðið á Fáfnisnesinu | |
Tilkynna um óviðeigandi tengingu við frétt |
4.4.2019 | 17:21
Fávitar?
Hvaða orð á maður að nota um það þegar menn hrúga upp ógnarljótu blokkahverfi og fatta það ekki fyrr en eftir á að þeir hafa óvart byggt fyrir innsiglingarvitann?
Vilja úttekt á Gröndalshúsi og vitanum | |
Tilkynna um óviðeigandi tengingu við frétt |
Um bloggið
Hitt og þetta
Bloggvinir
- agny
- graenar-lausnir
- bjarnijonsson
- bjornalexandermikli
- gattin
- dofri
- contact
- fhg
- gretaulfs
- gudni-is
- mosi
- bofs
- muggi69
- gudrunmagnea
- zeriaph
- holi
- haukurn
- diva73
- hlynurh
- ingibs
- ingolfursigurdsson
- fun
- jennystefania
- johnnybravo
- eyfeld
- jonbergsteinsson
- jonvalurjensson
- thjodarskutan
- krist
- kristjan9
- loncexter
- ludvikjuliusson
- sleggjudomarinn
- magnuss
- svarthamar
- vestskafttenor
- otti
- runaro
- joklamus
- sigurjons
- stefanjul
- summi
- saemi7
- samy
- torfusamtokin
- vestfirdir
- thorsteinn
- valli57
Heimsóknir
Flettingar
- Í dag (28.3.): 3
- Sl. sólarhring: 8
- Sl. viku: 28
- Frá upphafi: 287182
Annað
- Innlit í dag: 3
- Innlit sl. viku: 21
- Gestir í dag: 3
- IP-tölur í dag: 3
Uppfært á 3 mín. fresti.
Skýringar