Vafasöm vísindi

Það að keyra skatta upp úr öllu hófi grundvallast á þeirri forsendu að ríkt fólk láti það sig tiltölulega litlu varða þótt það þurfi að greiða 70-80% skatt á jaðartekjur sínar.

Þetta eru ákaflega vafasöm vísindi. Reynslan hefur oft sýnt hvernig þeir ofurríku taka til fótanna þegar gengið er til svona verka. Nýjasta dæmið eru skattabreytingarnar í Frakklandi fyrir fáeinum árum og áhrif þeirra.

Krugman spyr í grein þeirri sem vitnað er til hvers vegna Repúblikanar séu svo andvígir ofurskattlagningu sem raun ber vitni. Eins og sönnum pólitíkus sæmir er skýring hans auðvitað ekki sú, að þeir telji hana óskynsamlega, heldur að þeir séu andvígir henni vegna þess að þeir gæti einungis hagsmuna þeirra ofurríku (já, einmitt, fátæku verkamennirnir í miðvesturríkjunum sem kusu Trump gæta bara hagsmuna þeirra ofurríku!).

Það leiðir þá af sjálfu sér að þeir ofurríku hljóta að vinna að því öllum árum að hindra ofurskattlagninguna. En um leið er forsenda þess að hún virki sú að þeim sé sama um hana.

Mikill snillingur Paul Krugman.

Leggur til háa skatta á þá ofurríku

Þarf lítið til að "brjóta blað"?

Þetta er nú örugglega ekki í fyrsta skipti sem hæsta hlutfall kvenna í sögunni situr á Bandaríkjaþingi.

Og hvers vegna er "brotið blað" í "jafnréttissögu heimsins" þegar 23,4% þingmanna eru konur? Hvert var hlutfallið áður? 20%, ekki satt? Hvers vegna er allt í einu "brotið blað" með 23% en ekki með 20%?

Hvernig væri nú að reyna að fara að ráða blaðamenn sem hafa eitthvert agnarlítið vit í kollinum?

Ha?

Nýir tímar á Capitolhæð

Um hvað snýst umræðan?

Það er eflaust alveg rétt hjá Bjarna að minna en 1% fólks sé með undir 300.000 í heildarlaun.

Krafa verkalýðshreyfingarinnar snýst hins vegar ekki um heildarlaun heldur um lágmarkslaun. Þeirri kröfugerð verður auðvitað ekki svarað með því að tala um heildarlaun - þá er bara verið að tala út og suður.

En ef það er rétt að um helmingur verkafólks sé með undir 300.000 í grunnlaun og hækka eigi þau laun um ca. helming er ég hræddur um að störf þessa fólks gætu orðið fljót að hverfa. Við sjáum nú þegar sjálfsafgreiðslukössunum fjölga. Og það er bara byrjunin.

 

Rifist um mismunandi staðreyndir

Ávarp Danadrottningar

Björn Bjarnason hrósar ávarpi Margrétar drottningar á bloggi sínu og vitnar í Tryggva Gíslason fyrrum skólameistara.

Hennar hátign hefur ávallt farist vel úr hendi að ávarpa þegna sína um áramót. Hún kann enda þá list að tala um hluti sem miklu skipta, en forðast ávallt allt vúlgaritet. Það er mikill kostur.