Hversu mörg þurfa nöfnin að vera?

Hvað er nauðsynlegt að hafa mikið af nöfnum? Er ekki bara allt of mikið af nöfnum í notkun í dag? Þarf endilega nokkuð meira en svona 50-60 nöfn sem fólki er heimilt að nota? Er það ekki meginhlutverk ríkisvaldsins að skipta sér af því hvað fólk heitir, hvar öskunni af dauðum ættingjum er dreift og hvar fólk kaupir brjóstbirtuna? Jú, vitanlega er það meginhlutverk ríkisvaldsins. 

Réttast væri að gera forstjóra mannanafnanefndar að einræðisherra með ótakmörkuð völd!!

Engar „stórkostlegar breytingar í frjálsræðisátt“

Hvernig væri að læra útlensku?

Þá gæti blaðamaðurinn kannski gert einhverja grein fyrir því í fréttinni um hvað málið snýst.

Norsk kona fangelsuð í Japan

Athygliverðar niðurstöður

Þetta hljóta að teljast mjög athygliverðar niðurstöður. Nú hefur Economist hingað til einmitt lagt áherslu á mikilvægi jöfnuðar í hagsæld þjóða, svo ekki getur tímaritið talist nein hægri hugveita. Það verður áhugavert að fylgjast með umræðunni í kjölfarið, enda ganga þessar niðurstöður gegn mörgu sem haldið hefur verið fram um þessi mál á undanförnum árum, þar sem Piketty fer til dæmis framarlega í flokki. Hann og fleiri munu eflaust bregðast hart við, meðan aðrir munu hamra á þessu brauðmolakenningunni til stuðnings.

Ójöfnuður minni en áður var talið

Færanleg vegrið milli akreina

Það tók hálftíma seinnipartinn í dag að komast Suðurlandsbrautina frá Bolholti og inn í Voga. Bíll við bíl alla leið í austurátt. En sást varla bíll í vesturátt.

Fór þá að velta fyrir mér hvort ekki væri hægt að nýta plássið betur. Hvað til dæmis um að hafa vegriðin milli vegarhelminga færanleg. Þannig mætti hafa þrjár akgreinar í austur síðdegis, en þrjár í vestur að morgni.

Svo fór ég að skoða hvort einhverjum hefði dottið þetta í hug áður. Og bingó! Svona lausnr eru nefnilega til. Sjá t.d. hér: http://www.barriersystemsinc.com/how-it-works

Hvernig væri nú að taka upp svona lausnir? Þannig mætti kannski spara umtalsvert fé í vegagerð og auðvelda fólki lífið.

Svo fór ég að velta fyrir mér hvort það séu einhverjir stjórnmálaflokkar á höfuðborgarsvæðinu sem hafa áhuga á að spara fé og auðvelda fólki lífið. Hvernig ætli það sé nú?

Er ekki miklu einfaldara ...

... að barnamálaráðherrann byggi bara stórar og vandaðar sofétblokkir handa liðinu? 

Ríkið láni fyrir hluta útborgunar

Hvað merkir það að "þjóðir ráði yfir auðlindum sínum"?

Það er áhugavert að velta því fyrir sér hvað átt er við með þessum orðum. Samkvæmt orðanna hljóðan ætti það þá að vera þannig að ákvarðanir um úthlutun auðlinda væru teknar í þjóðaratkvæðagreiðslu, eða þá að aðgangur að þeim væri seldur gegn markaðsverði á jafnréttisgrundvelli.

En er það það sem við er átt? Er ekki fremur átt við að stjórnmálamenn ráði yfir auðlindunum og úthluti þeim að eigin geðþótta? Sé litið til málflutnings Miðflokksins í orkupakkamálinu alræmda er sú túlkun mun líklegri.

Þjóðir ráði sjálfar yfir auðlindum sínum

Bitlítið verkfallsvopn?

Hef vitanlega fulla samúð með blaða- og fréttamönnum sem eflaust eru ekkert of vel haldnir í launum.

En er rétta leiðin að fara í verkfall?

Blaðamenn eru ekki hjúkkur né læknar, þeir afgreiða ekki í Bónus, aka ekki vörum milli landshluta, þeir eru hvorki flugfreyjur, flugmenn, kokkar eða herbergisþernur.

Verkföll þessara stétta bíta. En hversu mikið bit er í verkfalli blaðamanna? Hversu margir ætli þeir séu til dæmis sem taka ekki einu sinni eftir þessu verkfalli, vegna þess að þeir horfa hvorki né hlusta á útvarps- eða sjónvarpsfréttir, lesa ekki blöð, og fylgjast fremur með erlendum netmiðlum en innlendum? Er þá ekki verkfall þeirra sem skrifa fréttirnar fremur bitlítið - eiginlega svolítið eins og að öskra sig hásan úti í skógi, þar sem enginn er?

Slitnaði upp úr hjá SA og BÍ

Hringtorg er ekki hringtorg

Þetta er vissulega torg. Og það er vissulega í hring. En það er ekki þar með sagt að það sé hringtorg!

Þetta sagði Bjarni. Hann er sonur Brynjólfs. En það er ekki þar með sagt að Bjarni Brynjólfsson hafi sagt þetta.

Það var örugglega einhver allt annar maður.

 

Segja Hagatorg akbraut, ekki hringtorg

Danir

Danir björguðu því af handritunum sem Íslendingum hafði ekki tekist að snæða eða sauma úr skó. Kannski þeim þyki heppilegra að senda hingað skinku og smörrebröd en hafa handritin í öruggri geymslu áfram?

Handritin eigi heima í Danmörku

Kverúlantarnir verða að fá að vera með

Það væri beinlínis ósanngjarnt að leyfa ekki apasnúðunum sem halda að það sé einhver önnur stjórnarskrá í gildi en sú sem við höfum, samin af Þorvaldi Gylfa og konukindinni þarna sem ég man ekki hvað heitir, að vera ekki að minnsta kosti með þegar búið er að safna saman einhverjum óuppdregnum lýð til að koma með einhverjar miskjánalegar tillögur um stjórnarskrárbreytingar. Valdi og kvinnan eru með þetta allt á hreinu og auðvitað sjálfsagt mál að leyfa þeim að áreita fundarmenn og troða upp á þá áróðri.

Stjórnarskrárfélagið fékk að fylgjast með fundinum